Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  septemvri 2016

 TE DŽIVDINA SAR HRISTIJANJA

Bukja so valjani te izbegine len keda proučinea nekasaja

Bukja so valjani te izbegine len keda proučinea nekasaja
IZGLED
Text
Image

But te kere lafi: Na valjani sa tu te objasnine. O Isus pučela sine pučiba te šaj te pottikninel e manušen te razmislinen hem te anen ispravno zaklučok (Mt 17:24-27). O pučiba kerena te ovel pointeresno i studija hem pomožinena tut te dikhe ko so verujnela o interesenti hem dali haljola o materijali (be 253, 3-4 pas.). Keda pučea pučibe, ov strplivo hem adžiker te odgovorinel. Ako dela pogrešno odgovor, namesto odma te vakere o točno odgovor, puč le javera pučiba te šaj korkori te resel dži ko točno odgovor (be 238, 1-2 pas.). Ma sigjar džikote objasninea nešto nevo te šaj o interesenti te svatinel tut (be 230, 4 pas.).

Te komplicirine: Izbegin te vakere sa o bukja so džanea baši tema so čitinena la (Jvn 16:12). Namesto adava, koncentririn tu ko glavana misle taro pasus (be 226, 4-5 pas.). Ako vakerea but detalija, iako šaj tane but interesna, adava ka kerel ma te oven jasna o glavna misle (be 235, 3 pas.). Ako o interesenti haljovela i glavno misla, tegani šaj te džan ko sledno pasus.

Samo te nakhaven o materijali: Amari cel tani te resa dži ko vilo, a na samo te nakhava o materijali (Lu 24:32). Koristin i sila so isi le e Devleskoro Lafi agjaar so ka koncentririne tut ko glavna stihija taro materijali (2Ko 10:4; Ev 4:12; be 144, 1-3 pas.). Vaker ednostavna sporedbe (be 245, 2-4 pas.). Le ko predvid o veruvanja hem o potrebe e interesenteskere hem prilagodin o materijali sprema leste. Puč le pučiba, sar na primer: „So mislinea tu bašo akava?“, „So sikljovaja bašo Jehova taro akava?“, „Savi korist ka ovel tu ako ikerea tut ko akava sovet?“ (be 238, 3-5 pas.; 259, 1 pas.).