Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  oktomvri 2017

 TE ŽIVINA SAR HRISTIJANJA

Falin e Jehova tle životoja!

Falin e Jehova tle životoja!

O životo tano but vredno poklon. Adalea sar koristinaja akava poklon sekova dive, sikavaja kobor ceninaja le. Sar e Jehovaskere svedokija, trudinaja amen te koristina amare talentija hem sposobnostija te falina e Jehova — okova so dengja amen o životo (Ps 36:9; Ot 4:11). Adaleske so isi but problemija ko životo ko akava lošno sveto, šaj but lokhe o duhovna aktivnostija te na oven amenge ko prvo than (Mr 4:18, 19). Šukar tano sekoj amendar te pučel pe: „Dali čače dava e Jehovaske mlo najšukar? (Os 14:2). Dali i buti ili i kariera so isi man vlijajnela negativno upri mli služba bašo Jehova? Save duhovna celija isi man? So šaj te kerav panda poviše te služinav e Jehovaske?“ Ako dikhea kaj šaj ko nešto te ove pošukar, molin e Jehova te pomožinel tut te kere o promene so valjani. Ako falinaja e Jehova sekova dive, amaro životo ka ovel ispolnimo hem radosno! (Ps 61:8).

Bašo so koristinea tle talentija?

DIKH O VIDEOKLIPI KORISTIN TLE SPOSOBNOSTIJA BAŠO JEHOVA, HEM PALO ADAVA ODGOVORIN KO AKALA PUČIBA:

  • Soske nane mudro te koristine tle talentija hem sposobnostija ko sveto e Satanaskoro? (1Jo 2:17).

  • Save bereketija isi adalen so dena plo najšukar e Jehovaske?

  • Ko save granke tari služba šaj te koristine tle talentija hem sposobnostija?