Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  juni 2017

 TE ŽIVINA SAR HRISTIJANJA

Ov radosno džikote propovedinea o šukar haberi

Ov radosno džikote propovedinea o šukar haberi

Dali nekogaš sine tuke pharo te propovedine? But džene ka odgovorinen oja ko akava pučibe. Soske? Šaj daraja te kere lafi manušencar so na džanea len ili često ko podračje arakhea manuša soj tane ramnodušna ili protivinena pe. Akala bukja šaj te len tli radost. Ama, o Jehova tano radosno Devel hem ov mangela te služina leske radosno (Ps 100:2; 1Ti 1:11). Kola trin pričine isi amen te ova radosno džikote propovedinaja?

Prvo, amen vakeraja poraka baši nadež. Iako avdive o manuša sa poviše našavena pli nadež, amen šaj te vakera lenge „o šukar haberi bašo nešto pošukar“ (Isa 52:7). Ama, o šukar haberi bašo e Devleskoro Carstvo pomožinela amenge da te ova radosna. Angleder te dža ki služba, razmislin bašo bukja so ka kerel e Devleskoro Carstvo ki Phuv.

Dujto, o šukar haberi pomožinela e manušen ko fizičko hem ko duhovno pogled. Ola sikljovena te ciden pe taro lošna navike hem te dobinen o večno životo (Isa 48:17, 18; Ri 1:16). E propovedibaja amen šaj te spasina nekaskoro životo. Čak ako nesave manuša na mangena te oven spasime, amen ponadari da rodaja okolen so mangena te spasinen pe (Mt 10:11-14).

Trito, hem najvažno, e propovedibaja slavinaja e Jehova. Ov but ceninela keda amen propovedinaja (Isa 43:10; Ev 6:10). Ov isto agjaar, dela amen plo sveti duh te šaj pošukar te propovedina. Adaleske, molin e Jehova te del tut radost, soske oj tani plodi taro sveti duh (Ga 5:22). Ov ka pomožinel amen te nakhava o problemija hem hrabro te propovedina (De 4:31). Adaleske, bizi razlika save manuša isi ko amaro podračje, amen radosno ka propovedina (Eze 3:3).

Sar mangea te kere tli služba? Sar šaj te sikave kaj sian radosno ki služba?

MUKH O VIDEOKLIPI BAJRAR TLI RADOST PROUČIBAJA HEM RAZMISLIBAJA, PALO ADAVA ODGOVORINEN KO AKALA PUČIBA:

  • Soske tano važno te ovel amen navika duhovno te hranina amen, čak keda džaja poviše saatija ki služba sekova masek?

  • Soske i Marija tani šukar primer amenge?

  • Keda odvojnea tuke vreme te razmisline bašo e Devleskoro Lafi?

  • So radujnela tut džikote propovedinea o šukar haberi?