Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  januari 2016

 TE DŽIVDINA SAR HRISTIJANJA

Ker pošukar i služba — phrav drumo baši povtorna poseta

Ker pošukar i služba — phrav drumo baši povtorna poseta

SOSKE TANO VAŽNO AKAVA:

Keda propovedinaja e manušenge, amen sejnaja o seme e čačipaskoro. Ama, mora te irana amen hem te čhiva pani ko adava seme (1Ko 3:6). Keda arakhaja nekas so sikavela interes, šukar ka ovel te mukha pučibe bašo kova ka kera lafi keda ka dža palem te posetina le. Tegani, o stanari ka adžikerel amen, a amenge ka ovel polokho te spremina amen baši povtorno poseta. Keda ka dža palem ki leste, šaj te vakera kaj alem te kera lafi bašo pučibe so pučlem o posledno puti.

SAR TE KERA ADAVA:

  • Keda spreminea prezentacija baši služba taro kher ko kher, spremin tuke pučibe baši povtorno poseta. Adava šaj te ovel pučibe so i odgovorimo ki literatura so dea la ili ki publikacija proučibaske so planirinea te ingare la leske javer puti.

  • Angleder te završine o razgovor e stanarea, vaker leske kaj mangea palem te kere lea lafi hem tegani puč o pučiba so spremingjan le. Ako šaj den tumenge tumare kontakt-informacie.

  • Ako vakergjan leske keda točno ka ave, tegani ačhov ko to lafi (Mt 5:37).