Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  fevruari 2017

 TE ŽIVINA SAR HRISTIJANJA

Mudro koristin o bibliska publikacie

Mudro koristin o bibliska publikacie

O Isus vakergja: „Bizo pare dobingjen, bizo pare den“ (Mt 10:8). Amen šunaja akava upatstvo agjaar so daja Biblie hem biblisko literatura bizo pare (2Ko 2:17). Iako tane bizo pare, ko akala publikacie tano pišimo o čačipe soj tano ko e Devleskoro Lafi. Valjani but pare hem buti te pečatinel pe hem te legarel pe i literatura ko sobranija ko celo sveto. Adaleske, valjani te la literatura kobor so valjani amenge.

Ov proniklivo keda dea literatura, čak keda svedočinea ko prometna thana (Mt 7:6). Namesto samo te de literatura e manušenge so nakhena, trudin tut te počmine te kere lencar lafi te šaj te dikhe dali čače tane zainteresirime. Dali šaj te odgovorine oja ko jekh taro akala pučiba tari ramka? Ako našti dikhea dali nekoj čače isi le interes, najšukar tano te de le traktati. A ako rodela spisanie ili javer publikacija, tegani ka da le (Iz 3:27, 28).