O bukja so kergja len o Jehova sikavena leskiri slava (Ps 19:1-4; 139:14). Ama, o sveto e Satanaskoro širinela javera idee bašo adava kotar avela o životo hem adava anela ladž e Devleske (Ri 1:18-25). So šaj te kere asavke idee te na mukhen koreno ko vilo te čhavenge? Valjani te pomožine lenge taro tiknipe te ovel len vera ko Jehova hem te haljon kaj ov grižinela pe lenge (2Ko 10:4, 5; Ef 6:16). Ko taktično način dikh so čače mislinena bašo adava so sikljovena ki škola, hem koristin amare publikacie te šaj te rese dži ko lengoro vilo (Iz 20:5; Jk 1:19).

DIKH O VIDEOKLIPI SO VAKERENA TE VRSNIKIJA — TE VERUJNE KO DEVEL, A PALO ADAVA DIKH AKALA PUČIBA:

  • Savo pogrešno mislibe isi e manušen bašo okola so verujnena ko Devel?

  • So sikljovena ki škola?

  • So uverinela tut kaj o Jehova postojnela?

  • Sar šaj te pomožine nekaske te haljol kaj o Devel kergja sa?