Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  avgust 2016

 TE DŽIVDINA SAR HRISTIJANJA

Ker pošukar i služba — pomožin e interesentenge te krstinen pe

Ker pošukar i služba — pomožin e interesentenge te krstinen pe

SOSKE TANO VAŽNO: Te šaj te oven paše e Jehovaja, o interesentija valjani te krstinen pe (1Pe 3:21). Adala so živinena sar so vetingje e Jehovaske, ka oven duhovno zaštitime (Ps 91:1, 2). Amen vetinaja kaj ka služina e Jehovaske, a na nesave manušeske ili organizacijake. Adaleske, o interesentija valjani te mangen hem te ceninen e Devle (Ri 14:7, 8).

SAR TE KERA ADAVA:

  • Džikote proučinena, puč le: „So sikljovaja bašo Jehova taro akava so čitingjam?“ Istaknin kobor tano važno te čitinel i Biblija sekova dive hem stalno te molinel pe (1So 5:17; Jk 4:8).

  • Ohrabrin e interesente te čhivel peske cel te krstinel pe. Isto agjaar, pomožin leske te oven le potikne celija, sar na primer, te komentarinel ko sostanokija ili te propovedinel ple komšienge hem kolegenge. Ama, ma bistre kaj o Jehova nikas na čhivela silaja te služinel leske. Sekoj valjani korkori te odlučinel peske dali ka krstinel pe (5Mo 30:19, 20).

  • Pomožin leske te haljovel kaj valjani te kerel promene te šaj te ugodinel e Jehovaske hem te ispolninel o uslovija krstibaske (Iz 27:11). Ako nesave navike hem osobine tane but hor ki leste, šaj ka valjani vreme te pomožine leske te kerel promene (Ef 4:22-24). Sikav leske o statie „Biblijata menuva životi“, kola so ikljovena ki Stražarska kula.

  • Vaker leske kobor radosno kerela tut adava so služinea e Jehovaske (Isa 48:17, 18).