Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Amaro životo hem služba sar hristijanja – listija spremibaske  |  april 2017

 TE ŽIVINA SAR HRISTIJANJA

Ljubezno te dodžakera len

Ljubezno te dodžakera len

Kas ljubezno te dodžakera? Sekoj so avela ko amare sostanokija — bizi razlika dali prvo puti avela ko sostanok ili tano nekoj so džanaja le poviše vreme (Ri 15:7; Ev 13:2). Adala šaj te oven amare phralja hem phenja so ale tari javer phuv ili o neaktivna phralja hem phenja so ale ko sostanok palo nekobor berša. Zamislin tuke te ove ko lengoro than. Nane li te osetine tut šukar ako ljubezno dodžakerena tut? (Mt 7:12). Trudin tut te dža hem te pozdravine tu e javerencar angleder hem palo sostanok. Adava ka pomožinel te ovel šukar atmosfera ko sobranie hem agjaar ka slavina e Jehova (Mt 5:16). Točno i adava kaj našti sekasaja posebno te kera lafi. Ama, sarine ka osetinen pe šukar ako keraja amaro delo. *

Sekogaš valjani te sikava gostoljubivost, a na samo ko posebna prilike sar soj i Spomen-svečenost. Keda o neve so avena ka dikhen hem ka osetinen amaro mangipe, tegani šaj ka oven pottiknime te falinen e Devle hem te služinen leske zaedno amencar (Jvn 13:35).

^ pas. 3 O bibliska načelija sikavena kaj na valjani te pozdravina adalen soj isklučime ili adalen so korkori odvojngje pe tari organizacija (1Ko 5:11; 2Jo 10).