Dža ko teksto

Dža ko dujto meni

E Jehovaskere svedokija

romane (Makedonija)

So adžikerela amen ko vakti so avela?

So adžikerela amen ko vakti so avela?

Dali amaro sumnal . . .

  • ka ačhol sar so i?

  • ka ovel pobilačhe?

  • ka ovel pošukar?

 SO VAKERELA I BIBLIJA

„O Devel . . . ka kosel sekoja asvin taro lengere jakhja, hem meribe nane te ovel, ni žalibe, ni rojbe, ni dukha. Sa so sine angle, nakhlja“ (Otkrovenie 21:3, 4).

SO ZNAČINELA AKAVA TUKE

Šukar buti (Isaija 65:21-23).

Nane pobuter nisave nasvalipa hem muke (Isaija 25:8; 33:24).

Večno hem bahtalo dživdipe okolencar so mangea len (Psalm 37:11, 29).

 ŠAJ LI TE VERUNJA E BIBLIJAKE?

Oja, najhari taro duj pričine:

  • O Devel šaj te kerel adava so vakergja. I Biblija samo bašo Jehova vakerela kaj tano „Semokjno“, soske leskere sila nane la krajo (Otkrovenie 15:3). Adaleske ov šaj te ikerel po lafi kaj ka meninel amaro sumnal ko pošukar. I Biblija vakerela kaj o Devel šaj te kerel sa (Matej 19:26).

  • O Devel mangela te kerel adava so vakergja. Na primer, ki Biblija pišinela kaj o Jehova but mangela palem te iranel ko dživdipe e manušen so mule (Jov 14:14, 15).

Tari Biblija dikhaja kaj e Devleskoro čhavo, o Isus, sasljarela sine e nasvalen. Soske kerela sine adava? Adaleske so mangela sine e manušen (Marko 1:40, 41). Sar po Dad, o Isus da manglja te pomožinel okolenge so valjangja pomoš (Jovan 14:9).

Šaj te ova sigurna kaj hem o Jehova hem o Isus, mangena te pomožinen amen te ova bahtale! (Psalm 72:12-14; 145:16; 2. Petrovo 3:9).

 RAZMISLIN

Sar o Devel ka meninel amaro sumnal ko pošukar?

O odgovor tari Biblija bašo akava pučibe ka arakhe ko MATEJ 6:9, 10 hem DANIEL 2:44.

Sikljov pobuter

ŠUKAR HABERI TARO DEVEL!

Koja tani e Devleskiri namera e phuvjaja?

I Biblija objasninela soske o Devel kergja i Phuv, keda ka avel krajo e mukenge, hem so ka ovel e Phuvjaja hem manušencar.

ŠUKAR HABERI TARO DEVEL!

So i e Devleskoro Carstvo?

Koj tano Cari ko e Devleskoro Carstvo hem so ka kerel adava Carstvo?