Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Sikav te čhaven tari Biblija

 LEKCIJA 1

Jekh tajna so kerela amen radosna

Jekh tajna so kerela amen radosna

Vakergja li tuke nekoj nesavi buti so valjani te garave la, hem te na vakere la javereske?— * Adaja buti tani tajna, soske javera manuša na džanena la. I Biblija vakerela baši jekh važno tajna. Oj tani važno soske avela taro Devel. Čak o angelija da mangle te džanen pobuter baši adaja tajna. Mangea li tu da te džane la?—

So mislinea, so mangle te džanen o angelija?

Angleder but, but berša, o Devel kergja e prvo murše hem e prvo džuvlja. Lengere anava sine Adam hem Eva. O Devel mukhlja len te živinen ko jekh but šužo than so vikinela pe sine Eden. Te šunen sine o Adam hem i Eva e Devle, ola hem lengere čhave ka keren sine celi Phuv te ovel raj sar o Eden. Ola šaj sine te živinen ko raj zasekogaš. Ama setinea tu li so kerge o Adam hem i Eva?—

O Adam hem i Eva na šunge e Devle, hem adaleske amen na živinaja ko raj. Ama o Devel vakergja kaj ka kerel celi Phuv raj, togaš sarine ka živinen zasekogaš hem ka oven radosna. Sar ka kerel adava? But vreme o manuša na džanena sine, soske adava sine tajna.

Keda alo o Isus ki Phuv, ov vakergja e manušenge pobuter baši adaja tajna. Phengja kaj i tajna tani e Devleskoro Carstvo. O Isus sikavgja e manušen te molinen pe te avel o Carstvo. Adava Carstvo ka kerel i Phuv te ovel but šužo raj.

Radujnea tut li so džanea akaja tajna?— Ma bistre, samo okola so šunena e Jehova ka živinen ko raj. I Biblija vakerela amenge bašo but manuša so šunena sine e Jehova. Mangea li te džane koj sine ola?— Ajde te dikha koj sine nesave lendar hem sar šaj te ova sar lende.

ČITIN KI BIBLIJA

  • Marko 4:11

  • 1. Petrovo 1:12

  • 1. Mojseeva 1:26-28; 2:8, 9; 3:6, 23

  • Matej 6:9, 10

  • Psalm 37:11, 29

^ pas. 3 Keda ka dikhe akava znako (—) ka ovel šukar te mukhe e čhave te odgovorinel ko pučibe.