Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Sikav te čhaven tari Biblija

 LEKCIJA 13

O Timotej manglja te pomožinel e manušenge

O Timotej manglja te pomožinel e manušenge

O Timotej sine jekh terno manuš so mangela sine te pomožinel e manušenge. Ov gelo ko but thana te pomožinel javerenge. Adaleske leskoro životo sine but interesno. Mangea li te džane pobuter baši leste?—

E Timotejeskiri daj hem i baba sikavena le sine bašo Jehova

O Timotej barilo ki jekh diz so vikinela pe sine Listra. Keda sine tikno, leskiri baba i Loida hem leskiri daj i Evnika, sikavena le sine bašo Jehova. Sar so bajrovela sine, o Timotej manglja te pomožinel e javerenge te džanen bašo Jehova.

Keda o Timotej sine terno, o Pavle pučlja le te džal lea ko javera thana te vakeren e manušenge bašo Devel. O Timotej  manglja te džal hem te pomožinel e manušenge.

O Timotej gelo e Pavlea ki jekh diz so vikinela pe sine Solun. Te šaj te resen ki adaja diz, valjani sine te phiren baro drumo hem palo adava te džan brodea. Keda resle adari, ola pomožinge bute manušenge te sikljoven bašo Jehova. Ama, nesave manuša sine but holjame hem mangle te keren lenge lošnipe. Adaleske o Pavle hem o Timotej mora sine te džan ko javera thana te vakeren bašo Jehova.

O Timotej sine radosno

Nekobor masek palo adava, o Pavle bičhalgja e Timoteje te iranel pe ko Solun te dikhel sar tane o phralja. Valjani sine leske hrabrost te iranel pe ko adava opasno than! Ama o Timotej gelo adari soske mangela sine e phralen. Keda irangja pe ko Pavle, vakergja leske šukar bukja lendar. O phralja taro Solun sine but šukar!

O Timotej but berša pomožingja e Pavle. O Pavle jekh puti pišingja kaj o Timotej sine o najšukar manuš so šaj sine te bičhalel le te pomožinel ko sobranija. O Timotej mangela sine e Jehova hem e manušen.

Mangea li e manušen hem mangea li te pomožine len te džanen bašo Jehova?— Ako kerea adava, ka ove but radosno sar so sine o Timotej!

ČITIN KI BIBLIJA

  • 2. Timotej 1:5; 3:15

  • Dela 16:1-5; 17:1-10

  • 1. Solunjanite 3:2-7

  • Filipjanite 2:19-22