Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Sikav te čhaven tari Biblija

 LEKCIJA 10

O Isus sine sekogaš poslušno

O Isus sine sekogaš poslušno

Dali tuke lokho sekova puti te šune te dade hem te daja?— Nesavo puti adava tano pharo. Džanea li kaj o Isus šunela sine e Jehova, pe dade hem pe daja?— Leskoro primer šaj te pomožinel tu sekogaš te šune te dade hem te daja. Te dikha pobuter bašo akava.

Angleder o Isus te avel ki Phuv, ov sine pe Dadea, e Jehovaja, upre ko nebo. Ama, e Isuse sine le dad hem daj tele da ki Phuv. Lengere anava sine Josif hem Marija. Džanea li sar ola ule leskere roditelija?—

O Jehova lelja e Isuseskoro životo taro nebo hem čhivgja le e Marijake ko vogi. Agjaar ov ka šaj sine te bijangjovel hem te živinel ki Phuv. Adava sine čudo! Ov barilo e Marijake ko vogi isto sar so javera bebija bajrona pumare dajenge ko vogi. Palo enja masek bijandilo o Isus. Agjaar i Marija hem o Josif ule leskere roditelija akate ki Phuv.

Keda e Isuse sine le 12 berš, ov kergja nešto so sikavgja kobor mangela pe Dade, e Jehova. Adava sine keda o Isus hem leskiri familija gele ko Erusalim baši Pasha. Džikote iranena pe sine khere, o Josif hem i Marija našti sine nigde te arakhen e Isuse. Džanea li kote sine ov?—

Soske o Isus sine ko hrami?

O Josif hem i Marija palem irange pe ko Erusalim te roden e Isuse. Ola sine but sekirime soske našti sine te arakhen le. Ama, palo trin dive arakhle le ko hrami! Džanea li soske o Isus sine ko hrami?— Soske adari šaj sine te sikljovel bašo po Dad, o Jehova. Ov mangela sine e Jehova. Isto agjaar, mangela sine te sikljovel sar te kerel adava so mangela o Jehova. Keda barilo da, o Isus sekogaš šunela le sine. Ov kerela sine adava čak keda sine leske pharo hem keda valjani sine te cidel muke. Dali o Isus isto agjaar šunela sine e Josife hem e Marija?— Oja, i Biblija vakerela amenge kaj šunela len sine.

So šaj te sikljove taro Isus?— Tu valjani te šune te daja hem te dade čak keda tuke pharo. Ka kere li adava?—