Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Sikav te čhaven tari Biblija

 LEKCIJA 14

O Carstvo so ka vladinel ki celi Phuv

O Carstvo so ka vladinel ki celi Phuv

Šaj li te pogodine bašo kova Carstvo keraja lafi?— Oja, adava tano e Devleskoro Carstvo. Akava Carstvo ka kerel i Phuv raj. Mangea li te džane pobuter bašo akava Carstvo?—

Sekova carstvo isi le cari. O cari vladinela upro manuša ki leskiri phuv. Mangea li te džane koj tano o Cari ko e Devleskoro Carstvo?— Ov tano o Isus Hristos. Ov živinela ko nebo. Panda hari, ov ka vladinel upri sarinende ki Phuv! So mislinea, ka ova li radosna keda o Isus ka vladinel upri celi Phuv?—

Bašo kola bukja radujnea tu so ka oven ko Raj?

Ka ova but radosna! Ko Raj, o manuša nane te maren pe ili te džan ki vojna. Sarine ka mangen pe jekh jekhea. Nijekh nane te nasvaljovel hem te merel. O korole ka dikhen, o kašuke ka šunen, hem okola so našti te phiren ka prastan hem ka rupinen. Sarinen ka ovel len but hajbaske. O životne ka oven amala maškar peste hem isto agjaar amencar da. O manuša so mule palem ka oven dživde. Sa okola baši kaste siklilem ki akaja brošura, sar so sine i Reveka, i Raav, o David hem o Ilija, palem  ka oven dživde! Mangea li te dikhe tu lencar?—

O Jehova mangela tut hem mangela te ove radosno. Ako ponadari da sikljovea bašo Jehova hem šunea le, tu ka šaj zasekogaš te živine ko jekh šužo raj! Mangea li adava?—

ČITIN KI BIBLIJA

  • Isaija 2:4; 11:6-9; 25:8; 33:24; 35:5, 6

  • Jovan 5:28, 29; 17:3