O Isus mulo te šaj amen te živina (Jovan 3:16)

Trin dive palo e Isuseskoro meribe, disave džuvlja gele ko leskoro grobo ama arakhle le čučo. O Jehova vazdingja e Isuse taro mule.

O Isus palo adava sikavgja pe pe učenikonge.

Oja, o Jehova vazdingja e Isuse sar jekh mokjno, duhovno angeli so niked nae te merel. E Isuseskere učenikija dikhle le sar džala upre ko nebo.

 O Devel vazdingja e Isuse taro mule hem kergja le Cari ko e Devleskoro Carstvo (Daniel 7:13, 14)

O Isus dengja po životo te platinel i otkupnina sa e manušenge (Matej 20:28). Preku i otkupnina, o Devel kergja te šaj te živina zasekogaš.

O Jehova čhivgja e Isuse sar Cari te vladinel ki celo Phuv. Olea ka oven 144.000 verna manuša kola soj voskresnime tari Phuv te živinen ko nebo. O Isus hem o 144.000 kerena jekh pravedno vlada ko nebo — e Devleskoro Carstvo (Otkrovenie 14:1-3).

E Devleskoro Carstvo ka kerel i Phuv raj. Nae poviše te ovel maribe, kriminal, čorolipe hem bokhalipe. O manuša ka oven čače bahtale (Psalm 145:16).