Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Šukar haberi taro Devel!

 3 LEKCIJA

Dali o šukar haberi tano čače taro Devel?

Dali o šukar haberi tano čače taro Devel?

1. Kastar tani i Biblija?

O šukar haberi kaj o manuša večno ka dživdinen ki Phuv tano pišimo ki Biblija (Psalm 37:29). Ki Biblija isi 66 potikne lila. Len pišinge len 40 verna murša kola so sine vodime taro Devel. O prva pandž lila pišingja len o Mojsej angleder 3.500 berša. O posledno lil pišingja le o apostol Jovan angleder pobuter taro 1.900 berša. Kaskere misle pišinge o bibliska pisatelija? O Devel ple sveto duhoja vakerela lenge sine so te pišinen (2. Samoilova 23:2). Ola pišinge e Devleskere misle, a na ple. Znači, i Biblija tani taro Jehova. Čitin 2. Timotej 3:16; 2. Petrovo 1:20, 21.

2. Sar šaj te ova sigurna kaj i Biblija tani taro Devel?

Džanaja kaj i Biblija tani taro Devel adaleske so oj angleder točno vakerela so ka ovel. Nijekh manuš našti te kerel akava (Isus Navin 23:14). Samo o Semokjno Devel šaj angleder točno te vakerel so ka ovel. Čitin Isaija 42:9; 46:10.

Jekh lil so avela taro Devel sigurno valjani te ovel nešto posebno. Hem agjaar da tano. I Biblija tani prevedimi ko pobuter taro šel čhibja hem ko milijarde primerokija. Iako sine pišimi angleder but berša, oj tani ko sklad e naukaja. Isto agjaar, lakere 40 pisatelija pišinena sine baši isto tema. * Tari Biblija šaj te dikha kobor but mangela amen o Devel. Isto agjaar, oj šaj te meninel e manušengoro dživdipe. Sa akala bukja, uveringe milionija manušen kaj i Biblija tani e Devleskoro Lafi. Čitin 1. Solunjanite 2:13.

 3. Baši so kerela pe lafi ki Biblija?

Jekh taro najvažna bukja kolenge so kerela lafi i Biblija tano o šukar haberi baši e Devleskiri šukar namera e manušencar. Ki late tano vakerdo sar o prva manuša našavge o dživdipe ko raj, hem sar adava raj palem ka ovel ki Phuv. Čitin Otkrovenie 21:4, 5.

Ki Biblija isi zakonija, načela hem sovetija. Isto agjaar, ki late tano pišimo sar o Devel postapinela sine e manušencar. Agjaar, i Biblija šaj te pomožinel tu te pendžare e Devle. Oj sikavela tu sar šaj te ove paše amal lea. Čitin Psalm 19:7, 11; Jakov 2:23; 4:8.

4. So ka pomožinel tu te haljove i Biblija?

Akaja brošura ka pomožinel tu te haljove i Biblija ko isto način kova so o Isus koristinela sine te sikavel e manušen. Ov vakerela sine stihija tari Biblija hem objasninela len sine te šaj te haljoven len. Čitin Luka 24:27, 45.

Zarem isi nešto pošukar taro šukar haberi e Devleskoro? Ama, nesave manušen na interesinela len, a javera ni na mangena te šunen bašo šukar haberi. Ma obeshrabrin tu. Ka šaj te dživdine večno samo ako pendžarea e Devle. Čitin Jovan 17:3.

 

^ pas. 3 Dikh ki brošura Kniga za site lugje.