Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Šukar haberi taro Devel!

 10 LEKCIJA

Sar šaj te pendžare koja tani i čačutni religija?

Sar šaj te pendžare koja tani i čačutni religija?

1. Dali isi samo jekh čačutni religija?

,Pazinen tumen taro hovavne prorokija‘ (MATEJ 7:15).

O Isus sikavgja ple učenikon kaj isi samo jekh čačutni religija. Oj tani sar jekh drumo so legarela ko večno dživdipe. Ov vakergja kaj ,hari džene arakhena‘ adava drumo (Matej 7:14). O Devel prifatinela samo adaja religija koja so ple sikljojba temelinela ko čačipe taro leskoro lafi i Biblija. Sa o čačutne Devleskere sluge tane obedinime ki jekh religija. Čitin Jovan 4:23, 24; 14:6; Efešanite 4:4, 5.

2. So vakergja o Isus bašo hovavne hristijanija?

,Ola vakerena kaj pendžarena e Devle, ama adalea so kerena sikavena kaj na pendžarena le čače‘ (TIT 1:16).

O Isus vakergja kaj ka oven disave manuša so ka sikaven e javeren hovavne bukja. Avrijaldan, ola sikavena pe sar čačutne Devleskere sluge. Ola vakerena kaj tane hristijanija. Ama, tu šaj te pendžare save čače tane ola. Sar? Samo adala so i ki čačutni religija dživdinena hem džana palo e Isuseskoro primer. Čitin Matej 7:13-23.

3. Sar šaj te pendžare i čačutni religija?

Razmislin bašo akala pandž bukja:

  • Adala so i ki čačutni religija prifatinena kaj i Biblija tani taro Devel. Ola trudinena pe te dživdinen spored o načelija tari Biblija. Adaleske, i čačutni religija odvojnela pe taro javera religie so temelinena pe ko manušikane sikljojba (Matej 15:7-9). Adala so i ki čačutni religija na sikavena jekh, a kerena javer. Čitin Jovan 17:17; 2. Timotej 3:16, 17.

  •   O čačutne hristijanija slavinena e Devleskoro anav, Jehova. O Isus slavinela sine e Devleskoro anav adalea so vakerela le sine javerenge. Ov pomožinela sine e manušen te pendžaren e Devle hem sikavgja len te molinen pe baši adava te ovel slavimo e Devleskoro sveto anav (Matej 6:9). Koja religija vakerela javerenge e Devleskoro anav? Čitin Jovan 17:26; Rimjanite 10:13, 14.

  • O čačutne hristijanija vakerena javerenge bašo e Devleskoro Carstvo. O Devel bičhalgja e Isuse te vakerel e manušenge o šukar haberi bašo Carstvo. E Devleskoro Carstvo tano edinstveno nadež e manušenge. O Isus vakerela sine baši leste sa džikote na mulo (Luka 4:43; 8:1; 23:42, 43). Ov vakergja kaj okola so ka džan palo leskoro primer, ka vakeren javerenge o šukar haberi. Ako nekoj kerela tuja lafi bašo e Devleskoro Carstvo, so mislinea, tari savi religija tano? Čitin Matej 24:14.

  • Adala so džana palo e Isuseskoro primer nane delo taro akava lošno sumnal. Šaj te pendžare len palo adava so na mešinena pe ki politika ili ko vojne (Jovan 17:16; 18:36). Isto agjaar, adalea so kerena hem sar razmislinena razlikujnena pe taro javera manuša. Čitin Jakov 4:4.

  • O čačutne hristijanija taro vilo mangena pe jekh jekhea. Tari Biblija ola siklile te počitujnen e manušen tari sekoja nacija. But puti o hovavne religie poddržinena o vojne, ama o čačutne hristijanija odbinena te keren adava (Mihej 4:1-3). Namesto adava, ola koristinena plo vreme hem adava so isi len, te pomožinen hem te ohrabrinen javeren. Čitin Jovan 13:34, 35; 1. Jovanovo 4:20.

4. Šaj li te pendžare koja tani i čačutni religija?

Koja religija temelinela plo sikljojbe ki Biblija, slavinela e Devleskoro anav hem propovedinela kaj e Devleskoro Carstvo tani edinstveno nadež e manušenge? Koja religija na poddržinela o vojne hem o manuša so i ki late čače mangena pe? So mislinea? Čitin 1. Jovanovo 3:10-12.