Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Šukar haberi taro Devel!

 12 LEKCIJA

Sar šaj te ove paše e Devlea?

Sar šaj te ove paše e Devlea?

1. Šunela li o Devel sa o molitve?

O Devel mangela o manuša taro sa o nacie te oven paše lea preku i molitva (Psalm 65:2). Ama, ov na šunela sa o molitve. Na primer, nane te šunel o molitve e romeskere so postapinela lošno pe romnjaja (1. Petrovo 3:7). Isto agjaar, keda o Izraelcija kerena sine lošna bukja, o Devel na šunela sine lengere molitve. Ama, o Devel ka šunel čak e najbare grešnikongere molitve ako kajnena pe. Znači, isi amen but bari čest so šaj te molina amen. Čitin Isaija 1:15; 55:7.

2. Sar valjani te molina amen?

Valjani te molina amen samo e Jehovaske soske Ov kergja amen hem ov tano o čačutno Devel (Matej 4:10; 6:9). Adaleske so siem nesovršena, valjani te molina amen ko e Isuseskoro anav soske ov mulo amare grevonge (Jovan 14:6). O Jehova na mangela stalno te vakera jekh isto molitva so siklilem la ki godi ili so i pišimi. Ov mangela te molina amen amare lafencar, taro vilo. Čitin Matej 6:7; Filipjanite 4:6, 7.

O Jehova šaj te šunel čak o molitve so vakeraja len ki amende (1. Samoilova 1:12, 13). Ov mangela te molina amen ko sekova vakti — sabajle, rakjate, angleder te ha maro hem keda isi amen problemija. Čitin Psalm 55:22; Matej 15:36.

3. Soske o hristijanija khedena pe zaedno ko sostanokija?

Nane lokho te ova paše e Jehovaja soske dživdinaja maškar o manuša so na verujnena ki leste hem smešno lenge adava so vakergja Ov kaj ka anel mir ki Phuv (2. Timotej 3:1, 4; 2. Petrovo 3:3, 13). Adaleske valjani  te družina amen adalencar so isto sar amende verujnena ko Devel, te šaj te ohrabrina amen. Čitin Evreite 10:24, 25.

Ako družinaja amen manušencar so mangena e Devle, ka ovel amenge polokho te ova paše lea. Ko sostanokija so ikerena e Jehovaskere svedokija šaj te ohrabrina amen tari vera e javerengiri. Čitin Rimjanite 1:11, 12.

4. Sar šaj te ove paše e Devlea?

Šaj te ove paše e Devlea agjaar so hor ka razmisline bašo bukja so sikljovea taro leskoro Lafi. Šukar razmislin bašo adava sar o Devel postapinela, bašo leskere sovetija hem bašo bukja so vetinela len. I molitva hem adava so hor ka razmisline ka pomožinel tu te cenine e Jehovaskoro mangipe hem leskiri mudrost. Čitin Isus Navin 1:8; Psalm 1:1-3.

Šaj te ove paše e Devlea samo ako verujnea ki leste. Ama, sar jekh luludi so ka šukjol ako nane la pani, agjaar tli vera da ka ovel slabo ako često na razmislinea soske verujnea ko Devel. Čitin Matej 4:4; Evreite 11:1, 6.

5. Soske tano šukar te ove paše e Devlea?

O Jehova grižinela pe adalenge so mangena le. Ov šaj te zaštitinel len taro sa so šaj te uništinel lengiri vera hem lengiri nadež bašo večno dživdipe (Psalm 91:1, 2, 7-10) O Jehova vakerela amenge kola bukja tane štetna bašo amaro sastipe hem šaj te len amari radost. O Jehova sikavela amen sar najšukar te dživdina. Čitin Psalm 73:27, 28; Jakov 4:4, 8.