Dža ko teksto

Dža ko dujto meni

Dža ki sodržina

E Jehovaskere svedokija

romane (Makedonija)

Šukar haberi taro Devel!

 14 LEKCIJA

Soske e Devle isi le organizacija?

Soske e Devle isi le organizacija?

1. Soske o Devel organiziringja e Izraelcon?

Taro Avraam o Jehova kergja jekh narodo hem dengja le o anav ,Izrael‘. Dengja len zakonija, sikavgja len sar te služinen leske hem valjani sine te ikeren hem te arakhen leskoro lafi (Psalm 147:19, 20). Preku lende o Devel ka anel sine bereketija sa e javere narodonge ki Phuv. Čitin 1. Mojseeva 22:18.

O Devel biringja e Izraelcon te oven leskere svedokija. Taro lengoro dživdipe ko purano vreme šaj te dikhel pe kobor tano šukar e manušenge keda šunena e Devleskere zakonija (5. Mojseeva 4:6). Agjaar, preku o Izraelcija o javera šaj sine te pendžaren e čačutne Devle. Čitin Isaija 43:10, 12.

2. Soske o čačutne hristijanija tane organizirime?

Adaleske so na sine verna e Devleske, o Izraelcija pobuter nane leskoro narodo hem ko lengoro than o Devel biringja o hristijansko sobranie (Matej 21:43; 23:37, 38). Akana, ko than e Izraelconge, o čačutne hristijanija služinena sar svedokija e Jehovaskere. Čitin Dela 15:14, 17.

O Isus organiziringja ple učenikon te propovedinen o šukar haberi hem te pomožinen e manušenge taro sa o nacie te oven leskere učenikija (Matej 10:7, 11; 24:14; 28:19, 20). Niked na propovedinela pe sine doborom but sar avdive, ko posledna dive akale sumnaleskere. Prvo puti ki e manušengiri istorija, o Jehova khedingja milionija manuša taro sa o nacie te služinen leske sar Ov so rodela (Otkrovenie 7:9, 10). O čačutne hristijanija tane organizirime te šaj te ohrabrinen pe hem te pomožinen pe jekh jekhea. Ko celo sumnal, ola sikljovena o ista bukja tari Biblija ko lengere sostanokija. Čitin Evreite 10:24, 25.

 3. Sar počminge te organizirinen pe e Jehovaskere svedokija ko amaro vreme?

Ko 1870-ta berša jekh tikni grupa Istražuvačija e Biblijakere počminge te haljoven o čačipe tari Biblija, kova so sine bisterdo but berša. Ola džange kaj o Isus organiziringja o hristijansko sobranie taro prvo veko te propovedinel. Adaleske, ola počminge ko celo sumnal te propovedinen bašo Carstvo. Ko 1931 berš ola lele o anav e Jehovaskere svedokija. Čitin Dela 1:8; 2:1, 4; 5:42.

4. Sar tane organizirime e Jehovaskere svedokija?

Ko prvo veko, o hristijanska sobranija ko but phuvja, dobinena sine upatstvija taro Vodečko telo kova so priznajnela e Isuse sar Poglavari ko sobranie (Dela 16:4, 5). Avdive da e Jehovaskere svedokija ko celo sumnal dobinena upatstvija taro Vodečko telo. O Vodečko telo tano kerdo taro iskusna starešine. Ov tano odgovorno bašo podružnice kolende so e Jehovaskere svedokija prevedinena, pečatinena hem bičhalena publikacie kolencar so proučinela pe i Biblija ko pobuter taro 600 čhibja. Agjaar o Vodečko telo šaj te ohrabrinel hem te del bibliska upatstvija ko pobuter taro 100.000 sobranija ko celo sumnal. Ko sekova sobranie isi murša so pherena o uslovija te služinen sar starešine. Ola mangipaja grižinena pe e Devleskere slugenge. Čitin 1. Petrovo 5:2, 3.

E Jehovaskere svedokija tane organizirime te propovedinen o šukar haberi hem te pomožinen e manušenge te oven e Isuseskere učenikija. Sar o apostolija, amen da propovedinaja taro kher ko kher (Dela 20:20). Ama, e Jehovaskere svedokija nane samo nesavi organizacija. Amen siem jekh familija hem amaro Dad but mangela amen. Amen siem phralja hem phenja so grižinena pe jekh jekheske (2. Solunjanite 1:3). Adaleske so e Jehovaskere svedokija mangena te keren adava so o Devel mangela hem pomožinena e javerenge, ola tane i najbahtali familija ko sumnal. Čitin Psalm 33:12; Dela 20:35.

 

Sikljov pobuter

KOJ KERELA E JEHOVASKIRI VOLJA AVDIVE?

Save manuša tane e Jehovaskere svedokija?

Kobor taro e Jehovaskere svedokija pendžarea? So čače džanea amenge?