Βα, δεχτίνενα. Ο Ιησούς σικαντάς ότι ο μαθητές λέσκε κα μπορίνενας τι ρόντεν για ιατρική θεραπεία κάνα βακερντάς: «Να χρειαζίντιβενα γιατρός ο ζουρανέ, αλλά ο νασφαλέ». (Ματθαίος 9:12) Παρόλο σο η Αγία Γραφή νανέ εκ ιατρικός βιβλίος, τθερέλα συμβουλές ανταλέ θεμάσκε σο βοηθίνενα οντουλέν σο μανγκένα τι κερέν ι Ντεβλέσκο γκι.

Ερωτήσεις σο μπορίνενα τι κερέν τουμαρέ νεαυτόστε

 1. Αγαβάβα λατσσές ι θεραπεία σο βακερένα μάνγκε τι κεράβ; Η Αγία Γραφή βακερέλα αμένγκε τι ρόντας πραγματένγκε σο μπορίνασα τι ντας λένγκε μπέσα ότι ισί αληθινά αντίς τι “πακιάς σαρέ ο λάφια”.—Παροιμίες 14:15.

 2. Μήπως πρέπει τι πουτσάβ ατζέκ εκχέ ή ντουέ γιατρόν για τι ντικχάβ καγιά άποψη τθερένα; Ισί λατσσό κάνα «μπουτ τζενέ σο τθερένα σοφία βακερένα πουμαρέ απόψεις ο εκ κο γιαβέρ», ειδικά άμα τουμαρό πρόβλημας ισί δύσκολος.—Παροιμίες 15:22.

 3. Μήπως ανταγιά θεραπεία τζάλα κόντρα κι εντολή σο τθερέλα η Γραφή “τι ατσσάς ντουρ . . . κατά ρατ”;—Πράξεις 15:20.

 4. Μήπως κι θεραπεία ανταγιά χρησιμοποιήντιβενα μπενγκαλέ πράγματα; Η Αγία Γραφή καταδικάνελα ο «μπενγκαλέ πράγματα». (Γαλάτες 5:19-21) Για τι αγαβέν άμα εκ θεραπεία τθερέλα τι κερέλ μπενγκαλέ πραγματέντζαρ, ντικχέν ο ερωτήσεις σο ισί πο τελέ:

•   Ο τζενό σο κερέλα γιαβερένγκε ι θεραπεία τθερέλα σχέση μπενγκαλέ πραγματέντζαρ;

•   Μήπως ανταγιά θεραπεία βασίντιβελα κι άποψη σο τθερένα μπουτ τζενέ ότι ο νασφαλίματα αβένα επειδή χολιασάλο αμέντζαρ ο Ντεβέλ ή επειδή αμαρέ ντουσμάνια κερένα αμένγκε μάγια;

•   Αβένα-πες θυσίες, μάγια ή γιαβερά μπενγκαλέ πράγματα καζόμ κερντιόνα ή χρησιμοποιήντιβενα ο φάρμακα;

 5. Μήπως σκεφτίναβα συνέχεια μι υγεία; Η Αγία Γραφή βακερέλα ακαβά: «Τι ντικχίντιβελ σαρέ κο τζενέ ότι ισινέν λογικοί». (Φιλιππησίους 4:5) Άμα ισινέν λογικοί, ανταβά κα βοηθίνελ-τουμέν τι ντεν σημασία κο «πο σημαντικά πράγματα», σο ισί ο πνευματικά.—Φιλιππησίους 1:10· Ματθαίος 5:3.