ΕΡΩΤΗΣΗ 17
Σαρ Μπορίνελα τι Βοηθίνελ η Αγία Γραφή Τουμαρί Φαμιλί;
ΜΟΥΡΣΑΛΕΝ/ΝΤΑΝΤΑΛΕΝ
«Αντικάς ο μουρσά-ντα πρέπει τι μανγκέν πουμαρέ ρομνίν, σαρ μανγκένα πουμαρό σώμας. Ο μουρς σο μανγκέλα πι ρομνιά μανγκέλα πο νεαυτός, σόσκε καέκ να μισιντάς ποτές πο σώμας, αλλά αρακχαβέλα-λες ντα μανγκέλα-λες . . . Ο κάθε εκ τουμένταρ πρέπει τι μανγκέλ πι ρομνιά σαρ μανγκέλα πο νεαυτός».
«Νταντάλεν, μα χολιασκιαρέν τουμαρέ τσσαβέν, αλλά καζόμ μπαριαρένα-λεν τι ντεν-λεν ι διόρθωση ντα ο συμβουλές ι Ιεχωβάσκε».
ΤΖΟΥΒΛΙΑΛΕΝ
«Η τζουβέλ πρέπει τι τθερέλ μπαρό σεβασμός πι ρομέσκε».
«Τζουβλιάλεν, τι ντεν καν τουμαρέ ρομές, αντικάς σαρ πρέπει τι κερέν ι Κυριόσκε μαθητές».
ΧΟΥΡΝΤΑΛΕΝ
«Χουρντάλεν, τι ντεν καν τουμαρέ νταντές ντα τουμαρέ νταγιά σαρ μανγκέλα ο Κύριος, σόσκε ανταβά ισί σωστός κι Ντεβλέσκε γιακχά. Η εντολή “σέβανε τι νταντές ντα τι νταγιά” ισί η πρώτη σο ανέλα ακαγιά ευλογία: “Για τι τζαν λατσσές ο πράγματα τούκε ντα για τι ατσσός μπουτ βακίτι οπράλ κι πφουβ”».
«Χουρντάλεν, τι ντεν καν τουμαρέ νταντές ντα τουμαρέ νταγιά σαρέ κο πράγματα, σόσκε ανταβά κερέλα ο γκι ι Κυριόσκο».
