ΕΡΩΤΗΣΗ 2
Σαρ Μπορίνενα τι Σικλιόν ι Ντεβλέσκε;
«Ανταβά βιβλίος σο λέστε ισί γραμμέ ο Νόμος δεν πρέπει τι νασέλ τι μόσταρ, ντα πρέπει τι διαβάνες-λες ντα τι σκεφτίνες-λες ντισάρα ντα ιράτ, για τι κερές προσεκτικά σαρέ οντουλά σο ισί γραμμέ λέστε, σόσκε αζομάν κα τζας λατσσές τι ζωγιάτε ντα κα κερές ο πράγματα γκοντιάσαρ».
Ιησούς του Ναυή 1:8
«Διαβάνενας ζουρανές κατά βιβλίος, κατά Νόμος ι αληθινέ Ντεβλέσκο, αλλά εμ εξηγίνενας-λες ντα αντικάς ντένας-λες νόημας.
Ντα βοηθίνενας ι τζενέν τι αγαβέν οντουλά σο διαβάνενας».
Νεεμίας 8:8
«Ευτυχισμέ ισί ο τζενό σο να πφιρέλα σαρ βακερένα λέσκε ο πφιρνέ . . . , αλλά αρακχέλα χαρά κο νόμος κι Ιεχωβάσκο ντα Λέσκο νόμος διαβάνελα ντα ανέλα πι γκοντιάτε ντισάρα ντα ιράτ. . . . Σο-ντα κερέλα βοβ κα τζαλ λατσσές».
Ψαλμός 1:1-3
«Ο Φίλιππος τθαβντισάλο πασέ κι άμαξα ντα ασουντάς-λες τι διαβάνελ ζουρανές κατά προφήτης Ησαΐας ντα πουτσλάς: “Αγαβέσα μπαγιά οντουλά σο διαβάνεσα;” Βοβ βακερντάς: “Σαρ κα αγαβάβ-λεν άμα να κα σικαβέλ μάνγκε εκ τζενό;”»
«Λέσκε ιδιότητες σο ναστί ντικχάσα-λεν αγαβάσα-λεν άμα κα σικλιάς σαρ κερντιλό ο ντουνιάς. Μπορίνασα τι σικλιάς σαρ ισί βοβ άμα κα ντικχάς λατσσές ο πράγματα σο λατσσαρντάς. Ανταλά πράγματα σικαβένα λέσκι ζορ σο ατσσόλα για πάντα ντα ότι βοβ ισί ο Ντεβέλ, οτθάρ βον να τθερένα δικαιολογία».
«Τι σκεφτίνες μπουτ λατσσές ανταλά πράγματα. Τι αβές αφοσιωμέ ανταλέντε. Αντικάς, κα ντικχίντιβελ σαριλέντε ότι ισινάν πνευματικά ζουρανό».
«Τι σκεφτίνας ο εκ ι γιαβερές, ντα αντικάς τι βοηθίνας ο εκ ι γιαβερές τι σικαβέλ αγάπη ντα τι κερέλ λατσσέ πράγματα. Μα τι τσσιναβάς τι τζας κο συναθροίσεις».
«Άμα κάποιος τουμένταρ νανέ μπουτ γκοντιαβέρ, πρέπει τι μανγκέλ σοφία κατά Ντεβέλ, ντα ο Ντεβέλ κα ντελ-λες, σόσκε ντέλα σαριλέντε σαρέ πι γκίσαρ ντα να ρόντελα τι αρακχέλ λάθη καεκχέστε».
