ΕΡΩΤΗΣΗ 16
Σαρ Μπορίνενα τι Αντιμετωπίνεν ο Προβλήματα;
«Μουκχ κο Ιεχωβά ο πφαριπέ σο βάντεσα, ντα βοβ κα ντελ-τουτ ζορ. Ποτές να κα μουκχέλ τι περέλ ο δίκαιος».
Ψαλμός 55:22
«Ο σχέδια σο κερέλα οντουβά σο ισί γκοντιαβέρ κα τθερέν λατσσό αποτέλεσμας, αλλά κον σιγκιαρέλα κα τσορόλιβελ».
Παροιμίες 21:5
«Μα ντάρα, σόσκε με ισινόμ τούσαρ. Μα ανησύχινε, σόσκε με ισινόμ το Ντεβέλ. Κα νταβ-τουτ ζορ, βα, κα βοηθίναβ-τουτ· κα ασταράβ-τουτ σικίς μι δεξί βαστέσαρ σο ανέλα δικαιοσύνη».
Ησαΐας 41:10
«Κον τουμένταρ, άμα αγχώνελα, μπορίνελα τι κερέλ-πες τι τζουβντιόλ εκ στάλα ατζέκ;»
«Οτθάρ, ποτές μα αγχώνεν ι γιαβερέ ντιβεσέσκε, σόσκε ο γιαβέρ ντιβές κα τθερέλ πιρέ. Ερεσένα ο προβλήματα σο τθερένα αντιβές».
«Τι αβέν σίγουροι καλά ισί ο πο σημαντικά πράγματα».
«Μα αγχώνεν καεκχέ πραγμάσκε, αλλά σο-ντα τι αβέλ-πες, κερέν προσευχή κο Ντεβέλ, μολίνεν-λες τι σικαβέλ τουμένγκε σο τι κερέν ντα βακερέν λέσκε ευχαριστώ. Άμα κα κερέν-λες ανταβά, ο Ντεβέλ κα ντελ-τουμέν ι ειρήνη σο ναστί αγαβένα-λα ο τζενέ, ντα αντικάς αντράλ κατά Χριστός Ιησούς ο Ντεβέλ κα αρακχαβέλ τουμαρό γκι ντα τουμαρί γκοντί».
