ΕΡΩΤΗΣΗ 6
Σο Βακερντάας η Αγία Γραφή ι Χριστόσκε Πριν τι Αβέλ κι Πφουβ;
ΠΡΟΦΗΤΕΙΑ
«Τούι, Βηθλεέμ Εφραθά, . . . τούταρ κα νικιόλ μάνγκε οντουβά σο κα αβέλ άρχοντας κο Ισραήλ».
Μιχαίας 5:2
ΣΑΡ ΝΙΚΙΣΤΙΛΙ ΜΠΑΓΙΑ
«Ο Ιησούς μπιάντιλο κι Βηθλεέμ σο ισί κι Ιουδαία, αζομάν σο ισινέ βασιλιάς ο Ηρώδης. Σοράν, αβιλέ κι Ιερουσαλήμ μάγοι κατά Ανατολή».
ΠΡΟΦΗΤΕΙΑ
«Ιλιαβένα μο σέα ο εκ κο γιαβέρ, ντα τσσουβένα λένγκε κλήρος».
Ψαλμός 22:18
ΣΑΡ ΝΙΚΙΣΤΙΛΙ ΜΠΑΓΙΑ
«Κάνα ο στρατιώτες ιμπλαντέ κο κας ι Ιησούς, λιντέ λέσκε αβραϊνέ σέα ντα κερντέ-λεν σταρ κοτορά . . . Αλλά [λέσκε αντραϊνέ σέα] να ισινέ ιτς σουβντέ, σόσκε ισινέ κχουντέ οπράλ μέχρι τελέ. Οτθάρ, βακερντέ ο εκ κο γιαβέρ: “Μα τι πφαραβάς-λεν, αλλά τι τσσουβάς κλήρος για τι ντικχάς κον κα λελ-λεν”».
ΠΡΟΦΗΤΕΙΑ
«Βοβ αρακχαβέλα σαρέ ο κόκαλα λέσκε, ούτε εκ τανό να πφανγκιλό».
Ψαλμός 34:20
ΣΑΡ ΝΙΚΙΣΤΙΛΙ ΜΠΑΓΙΑ
«Κάνα αβιλέ κο Ιησούς, ντικχλέ ότι ισινέ μουλό, οτθάρ να πφανγκλέ λέσκε τσανγκά».
ΠΡΟΦΗΤΕΙΑ
«Βοβ . . . πφαράντιλο δορύσαρ ιτιρί αμαρέ λαθίνταρ».
Ησαΐας 53:5
ΣΑΡ ΝΙΚΙΣΤΙΛΙ ΜΠΑΓΙΑ
«Εκ κατά στρατιώτες πφαραντάς-λες εκχέ κονταρίσαρ κο παΐδια ντα οντιά στιγμή νικίστιλο ρατ ντα πανί».
ΠΡΟΦΗΤΕΙΑ
«Μπικιντέ-μαν για 30 ασημένια κέρματα».
Ζαχαρίας 11:12, 13
ΣΑΡ ΝΙΚΙΣΤΙΛΙ ΜΠΑΓΙΑ
«Αζομάν εκ κατά Δώδεκα, οντουβά σο βακέρντιβελας Ιούδας Ισκαριώτης, γκιλό κο μπαρέ ιερείς ντα βακερντάς: «Σο κα ντεν-μαν για τι νταβ-λες τουμαρέ βαστέντε;» Βον βακερντέ ότι κα ντένας-λες 30 ασημένια κέρματα».
