ΕΡΩΤΗΣΗ 7
Σο Βακερέλα η Αγία Γραφή Αμαρέ Ντιβεσένγκε;
«Κα χαλ-πες τθεμ γιαβερέ τθεμέσαρ ντα βασίλειος γιαβερέ βασιλειόσαρ . . . Σαρέ ανταλά ισί αρχή ζουρανέ ντουκχένγκι».
«Κα νικιόν μπουτ τζενέ σο κα βακερέν ότι ισί προφήτες ντα κα χουχαβέν μπουτέν. Ντα επειδή κα αβέλ πο μπουτ ο γκεραλιπέ, η αγάπη ι πο μπουτέ τζενένγκι κα σουρντιόλ».
«Κάνα τουμέν κα ασουνέν ο πόλεμοι σο αβένα-πες ντα κα λεν αμπέρι ότι αβένα-πες πόλεμοι, μα τι νταρέν. Πρέπει τι αβέν-πες ανταλά, αλλά νανέ ατζέκ ο τέλος».
«Κα αβέν μπαρέ σεισμοί, ντα τθαν τθανέστε κα αβέλ μποκχ ντα νασφαλίματα. Ντα κα αβέν-πες νταρανικανέ πράγματα, ντα κατά ουρανός μπαρέ σημάδια».
«Κο τελευταία ντιβεσά ο πράγματα κα αβέν δύσκολα ντα επικίνδυνα. Επειδή ο τζενέ κα μανγκέν σάντε πουμαρό νεαυτός, κα μανγκέν μπουτ ο λοβέ, κα ισαρέν-πες, κα αβέν μπαρικανέ, κα βακερέν λάφια σο τζάνα κόντρα κο Ντεβέλ ντα κο τζενέ, να κα ντεν καν πουμαρέ νταντέστε ντα πουμαρέ νταγιάτε, κα αβέν αχάριστοι, να κα αβέν αφοσιωμέ, να κα μανγκέν μπαγιά ι γιαβερέν, να κα μανγκέν τι αλλάνεν γνώμη, κα τσσουβέν ψεύτικα λάφια ι γιαβερένγκε, να κα ατσσικιαρέν πουμαρό νεαυτός, κα αβέν άγριοι, κα μισίνεν οντουβά σο ισί λατσσό, κα αβέν προδότες, πφαρέ σορέσκε, πφερντέ μπαρικανιπέ, τζενέ σο μανγκένα ο απολαύσεις ντα όχι ι Ντεβλές, σο κερένα-πες ότι υπηρετίνενα ι Ντεβλές, αλλά ανταβά να κα σικάντιβελ κατά τρόπος σο κα τζουβντιόν».
