Σοράν κατά 4026 Π.Κ.Χ.

«Ο σαπ» βακερέλα ότι ο Ιεχωβά να τθερέλα ο δικαίωμας τι κυβερνίνελ ντα ότι ο τρόπος σο κυβερνίνελα ισί λάθος. Ο Ιεχωβά ντέλα πο λάφι ότι κα ανέλ εκχέ “προσαγγονίς” σο κα ντελ κο σορό ι σαπές, ι Μπενγκές. (Γένεση 3:1-5, 15) Παρόλο σο κα αβέλ-πες ανταβά, ο Ιεχωβά ντέλα χρόνος κο τζενέ τι κερέν κουμάντος πουμαρό νεαυτός καζόμ επηρεάντιβενα κατά σαπ.

1943 Π.Κ.Χ.

Ο Ιεχωβά βακερέλα κο Αβραάμ ότι ο υποσχεμέ “προσάγγονος” κα αβέλας λέσκε προσαγγονίνταρ.—Γένεση 22:18.

Σοράν κατά 1070 Π.Κ.Χ.

Ο Ιεχωβά βακερέλα κο βασιλιάς Δαβίδ ντα πο σοράν λέσκε τσσαβέστε κο Σολομώντας ότι ο υποσχεμέ “προσάγγονος” κα αβέλας λένγκε φαμιλιάταρ.—2 Σαμουήλ 7:12, 16· 1 Βασιλέων 9:3-5· Ησαΐας 9:6, 7.

29 Σ.Κ.Χ.

Ο Ιεχωβά σικαβέλα ότι ο Ιησούς ισί ο υποσχεμέ “προσάγγονος”, Οντουβά σο κα Λελ ο θρόνος ι Δαβιδίσκο.—Γαλάτες 3:16· Λουκάς 1:31-33· 3:21, 22.

33 Σ.Κ.Χ.

Ο σαπ, σο ισί ο Μπενγκ, ντέλα ι υποσχεμέ “προσαγγονίς” κάνα μουνταρέλα ι Ιησούς, αλλά ανταβά ατσσικιαρέλα για χάνικ. Ο Ιεχωβά τζουβντιαρέλα ι Ιησούς κο ουρανός ντα δεχτίνελα ι αξία σο τθερέλα λέσκι τέλεια ζωή. Ανταγιά ισί η βάση για τι μπορίνελ ο Ιεχωβά τι συγχωρίνελ αμαρτίες ντα τι ντελ ζωή για πάντα κο προσάγγονα σο αβένα κατά Αδάμ.—Γένεση 3:15· Πράξεις 2:32-36· 1 Κορινθίους 15:21, 22.

Περίπου κο 1914 Σ.Κ.Χ.

Ο Ιησούς φουρτίνελα ι σαπές, ι Μπενγκές, κι πφουβ ντα ατσσικιαρέλα-λες για χάνικ βακίτι οτθέ.—Αποκάλυψη 12:7-9, 12.

Κο μέλλον

Ο Ιησούς τσσουβέλα φυλακή ι Μπενγκές για χίλια μπρεσά ντα σοράν ντέλα-λες κο σορό, σο ανταβά μανγκέλα τι βακερέλ ότι καταστραφίνελα-λες. Νικιόλα μπαγιά ο σκοπός σο τθερέλας ο Ιεχωβά κι αρχή ι πφουβιάκε ντα ι τζενένγκε, νασέλα ι λατζ οπράλ λέσκε ναβέσταρ ντα δικαιώντιβελα ο τρόπος σο κυβερνίνελα.—Αποκάλυψη 20:1-3, 10· 21:3, 4.