Dža ko teksto

Soske e Isuseske vakerela pe kaj tano e Devleskoro Čhavo?

Soske e Isuseske vakerela pe kaj tano e Devleskoro Čhavo?

So vakerela i Biblija:

 I Biblija but puti e Isuseske vakerela kaj tano „e Devleskoro Čhavo“ (Jovan 1:49). O izraz „e Devleskoro Čhavo“ sikavela kaj o Devel stvoringja e Isuse. Ustvari, taro Devel avela o životo, ov kergja sa soj tano dživdo (Psalm 36:9; Otkrovenie 4:11). I Biblija vakerela amenge kaj o Devel tano Stvoriteli. Sprema adava, le na valjani te ovel le romni te šaj te ovel le čhave.

 Ki Biblija pišinela kaj o angelija da tane o čhave e čačutne Devleskere (Jov 1:6). Isto agjaar, i Biblija vakerela kaj o prvo manuš, o Adam, sine „e Devleskoro čhavo“ (Luka 3:38). Ama i Biblija pomožinela amenge te haljova kaj o Isus tano o najvažno čhavo e Devleskoro. Soske? Adaleske so o Devel taro sa o bukja prvo kergja leste hem edinstveno samo ov tano kerdo direktno taro Devel.

 Dali o Isus živinela sine ko nebo angleder te bijangjovel ki Phuv?

 Oja. Angleder te bijangjovel sar manuš ki Phuv, o Isus sine duhovno ličnost upre ko nebo. Ki jekh prilika, korkori ov vakergja kaj hulilo taro nebo (Jovan 6:38; 8:23).

 O Devel kergja e Isuse angleder te kerel sa o bukja. Bašo Isus, i Biblija vakerela:

 O Isus ispolningja o proroštvija bašo okova „so avela taro but purano vreme, taro dive so nakhle odamna“ (Mihej 5:2; Matej 2:4-6).

 So kerela sine o Isus angleder te avel ki Phuv?

 Le sine le najbari položba ko nebo. Adava doznajnaja le tari jekh molitva so vakergja la o Isus. Ov molingja pe: „Mo dad, proslavin man... e slavaja so sine man la ki tute angleder te ovel o sveto“ (Jovan 17:5).

 Ov pomožingja pe Dadeske te stvorinel sa so postojnela. O Isus sorabotinela sine pe Dadea, ov sine leskoro „vešto graditeli“ (Izreki 8:30). I Biblija bašo Isus vakerela: „Preku leste tano kerdo sa soj ko nebo hem ki phuv“ (Kološanite 1:16).

 O Devel preku Isus kergja sa so postojnela. Ko adava tane vklučime o angelija, a isto agjaar sa o materijalno sveto (Otkrovenie 5:11). Ki nesavi smisla, i sorabotka maškar o Devel hem o Isus sine sorabotka sar maškar o arhitekti hem o majstori. O arhitekti kerela o proekti sar valjani te izgledinel, a o majstori gradinela le.

 Ov sine o Lafi. Keda i Biblija kerela lafi bašo e Isuseskoro životo angleder te živinel sar manuš, tegani vakerela kaj ov sine „o Lafi“ (Jovan 1:1). Najverojatno, o Devel koristingja pe Čhave te prenesinel informacie hem upatstvija e javere angelenge.

 Keda o Devel mangela sine nešto te vakerel e manušenge, izgleda koristinela sine e Isuse. Isto agjaar, keda o Devel dela sine upatstvija e Adameske hem e Evake ki gradina Eden, verojatno kerela sine adava preku o Lafi, o Isus (1. Mojseeva 2:16, 17). Šaj baš o Isus sine o angeli kova so vodingja e Izraelcon ki pustina hem kaskoro glaso valjani sine te šunen (2. Mojseeva 23:20-23). *

^ pas. 12 O Isus, o Lafi na sine o edinstveno angeli preku kaste o Devel kerela sine lafi. Na primer, o Devel koristingja e javere angelen, ple duhovno čhaven, te šaj te del o Zakoni e Izraelconge (Dela 7:53; Galatite 3:19; Evreite 2:2, 3).