Џа ко тексто

Џа ки содрежина

 ТЕ ЖИВИНА САР ХРИСТИЈАЊА

Ов радосно џикоте проповединеа о шукар хабери

Ов радосно џикоте проповединеа о шукар хабери

Дали некогаш сине туке пхаро те проповедине? Бут џене ка одговоринен оја ко акава пучибе. Соске? Шај дараја те кере лафи манушенцар со на џанеа лен или често ко подрачје аракхеа мануша сој тане рамнодушна или противинена пе. Акала буќа шај те лен тли радост. Ама, о Јехова тано радосно Девел хем ов мангела те служина леске радосно (Пс 100:2; 1Ти 1:11). Кола трин причине иси амен те ова радосно џикоте проповединаја?

Прво, амен вакераја порака баши надеж. Иако авдиве о мануша са повише нашавена пли надеж, амен шај те вакера ленге „о шукар хабери башо нешто пошукар“ (Иса 52:7). Ама, о шукар хабери башо е Девлескоро Царство поможинела аменге да те ова радосна. Англедер те џа ки служба, размислин башо буќа со ка керел е Девлескоро Царство ки Пхув.

Дујто, о шукар хабери поможинела е манушен ко физичко хем ко духовно поглед. Ола сикљовена те циден пе таро лошна навике хем те добинен о вечно живото (Иса 48:17, 18; Ри 1:16). Е проповедибаја амен шај те спасина некаскоро живото. Чак ако несаве мануша на мангена те овен спасиме, амен понадари да родаја околен со мангена те спасинен пе (Мт 10:11-14).

Трито, хем најважно, е проповедибаја славинаја е Јехова. Ов бут ценинела кеда амен проповединаја (Иса 43:10; Ев 6:10). Ов исто аѓаар, дела амен пло свети дух те шај пошукар те проповедина. Адалеске, молин е Јехова те дел тут радост, соске ој тани плоди таро свети дух (Га 5:22). Ов ка поможинел амен те накхава о проблемија хем храбро те проповедина (Де 4:31). Адалеске, бизи разлика саве мануша иси ко амаро подрачје, амен радосно ка проповедина (Езе 3:3).

Сар мангеа те кере тли служба? Сар шај те сикаве кај сиан радосно ки служба?

МУКХ О ВИДЕОКЛИПИ БАЈРАР ТЛИ РАДОСТ ПРОУЧИБАЈА ХЕМ РАЗМИСЛИБАЈА, ПАЛО АДАВА ОДГОВОРИНЕН КО АКАЛА ПУЧИБА:

  • Соске тано важно те овел амен навика духовно те хранина амен, чак кеда џаја повише саатија ки служба секова масек?

  • Соске и Марија тани шукар пример аменге?

  • Кеда одвојнеа туке време те размислине башо е Девлескоро Лафи?

  • Со радујнела тут џикоте проповединеа о шукар хабери?