Џа ко тексто

Џа ки содрежина

 ТЕ ЏИВДИНА САР ХРИСТИЈАЊА

Кер пошукар и служба — користин видеоклипија

Кер пошукар и служба — користин видеоклипија

СОСКЕ ТАНО ВАЖНО:

О видеоклипија шај те ресен џи ко виле е манушенгере аѓаар со ка овен ленге привлечна дикхибаске хем шунибаске. Адава поможинела те задржинел пе ленгоро внимание хем те мукхел пе трајно впечаток. О Јехова денѓа амен најшукар пример те користинен пе визуелна помагала (Де 10:9-16; От 1:1).

О видеоклипија Иси ли е Девле анав?, Кастар тани и Библија?, хем Сар шај те ова сигурна кај и Библија тани таро Девел?, тане додадок баши 2 хем 3 лекција ки брошура Шукар хабери. О видеоклипија Соске те сикљове тари Библија?, Сар шај те сикљове тари Библија?, хем Со керела пе ки е Јеховаскере сведоконгири дворана?, охрабринена е манушен те сикљовен и Библија аменцар или те авен ко амаре состанокија. Несаве таро амаре видеофилмија шај исто аѓаар те користинен пе кеда проучинаја е манушенцар (km 5/13 3).

САР ТЕ КЕРА АДАВА:

  • Перав англедер о видеоклипи со мангеа те сикаве ле е станареске

  • Спремин јекх или дуј пучиба со ка овен одговориме ко видеоклипи

  • Заедно дикхен о видеоклипи

  • Керен лафи башо главна мисле

ПРОБИН АКАВА:

  • Иран ки палуни страна таро амаре трактатија, хем сикав е станареске о коди башо видеоклипи Соске те сикљове тари Библија?

  • Сикав о видеоклипи Сар шај те ова сигурна кај и Библија тани таро Девел?, пало адава, нудин и брошура Шукар хабери хем сикав и 3 лекција