Џа ко тексто

Џа ки содрежина

 ТЕ ЖИВИНА САР ХРИСТИЈАЊА

О теократска гиља дена амен храброст

О теократска гиља дена амен храброст

О Павле хем о Сила фалинѓе е Јехова гиљаја кеда сине ко затвор (Де 16:25). Ко амаро да време, амаре пхраља хем пхења теократска гиљенцар фалинѓе е Јехова џикоте сине ко концентрационен логор Заксенхаузен (Германија) или кеда сине палдиме ко Сибир. Акала примерија сикавена кај о гиља шај те ден амен храброст кеда ка ова ко пхаре ситуацие.

Ко бут чхибја панда хари ка икљол и неви песнарка Пеј му од срце на Јехова. Ко романе, о неве гиља тари акаја песнарка постепено ка овен чхивде ки амари интернет-страница, jw.org. Кеда ка овен достапна, шај заедно те гиљава лен ки амари Фамилијарно рат хем аѓаар полокхе ка памтина о гиља (Еф 5:19). Тегани, кеда ка ова ко пхаре ситуацие, о свети дух ка поможинел амен те сетина амен ко акала гиља. О теократска гиља поможинена амен те мислина ки амари надеж. Ола шај те поможинен амен кеда сием ко неволје. Чак кеда на сием ко пхаре ситуацие, о охрабрувачка лафија таро гиља поможинена аменге радосно те гиљава таро вило (1Ле 15:16; Пс 33:1-3). Адалеске, шукар те користина амаре теократска гиља!

ДИКХ О ВИДЕОКЛИПИ ГИЛИ СО ДЕНЃА ЛЕН СИЛА. ПАЛО АДАВА, ОДГОВОРИН КО АКАЛА ПУЧИБА:

  • Ко саве околностија о пхрал Фрост керѓа гили?

  • Сар акаја гили поможинѓа е пхраленге ко концентрационен логор Заксенхаузен?

  • Ко саве околностија о теократска гиља шај те охрабринен тут?

  • Кола теократска гиља мангеа те памтине?