Џа ко тексто

Кој чаче владинела е сумналеа?

Кој чаче владинела е сумналеа?

Мислинеа ли кај адава тано...

  • о Девел?

  • о мануша?

  • некој јавер?

 СО ВАКЕРЕЛА И БИБЛИЈА

„Цело сумнал тано ко васта е Билачхеске“ (1. Јованово 5:19).

„Ало е Девлескоро Чхаво те уништинел о буќа со керѓа о Бенг“ (1. Јованово 3:8).

СО ЗНАЧИНЕЛА АКАВА ТУКЕ

Ка хаљове соске иси проблемија ко сумнал (Откровение 12:12).

Ка шај те веруње кај о буќа ко сумнал ка овен пошукар (1. Јованово 2:17).

 ШАЈ ЛИ ТЕ ВЕРУЊА Е БИБЛИЈАКЕ?

Оја, најхари таро трин причине:

  • Е Бенгескоро владибе тано осудимо те овел уништимо. О Јехова одлучинѓа те чхинавел е Бенгескири власт упро мануша. Ов денѓа лафи кај ка „уништинел . . . е Бенге“ хем са адава со руминѓа о Бенг, ов ка анел ко тхан (Евреите 2:14).

  • О Девел биринѓа е Исусе те владинел е сумналеа. О Исус тано бут појавер таро о авдисутно владетели е сумналескоро кова тано бут билачхо хем себично. Ко вакти кеда о Исус ка владинел, о Девел ветинела: „Ка перел леске жал е бедно манушеске хем е чоролеске . . . Таро муке хем насилство ов ка спасинел ленгири душа“ (Псалм 72:13, 14).

  • О Девел нашти те ховавел. И Библија јасно вакерела: „О Девел нашти те ховавел“ (Евреите 6:18). Кеда о Јехова ка ветинел нешто, сар те пхене керѓа ле! (Исаија 55:10, 11). „О владетели акале сумналескоро ка овел фрдимо“ (Јован 12:31).

 РАЗМИСЛИН

Сар ка овел о сумнал кеда ка овел цидимо лескоро владетели?

О одговор тари Библија башо акава пучибе ка аракхе ко ПСАЛМ 37:10, 11 хем ОТКРОВЕНИЕ 21:3, 4.