Џа ко тексто

Џа ки содрежина

 5 ДЕЛО

О баро Потоп — кој шунѓа е Девле, а кој на?

О баро Потоп — кој шунѓа е Девле, а кој на?

Бут мануша ко време е Ноескоро керена сине лошна буќа (1. Мојсеева 6:5)

Е Адаме хем е Ева сине лен чхаве, хем и Пхув пхердили манушенцар. Сар со накхела сине о време, несаве ангелија противинѓе пе исто сар о Сатана.

Ола але ки пхув хем леле манушикано тело те шај те лен песке ромња. О ромња бијанѓе посебна чхаве, кола со сине бут хољаме хем силна.

О свето пхердило манушенцар со керена сине лошна буќа. И Библија вакерела: ,О лошнипа е манушескоро ки пхув сине баро хем са о мисле таро лескоро вило секова пути сине лошна.‘

 О Ное шунѓа е Девле хем керѓа и арка (1. Мојсеева 6:13, 14, 18, 19, 22)

О Ное сине шукар мануш. О Јехова вакерѓа е Ноеске кај ка уништинел е лошна манушен ко јекх баро потоп.

О Девел исто аѓаар вакерѓа е Ноеске те керел јекх баро броди — арка, ки лате те кхувел ов пе фамилијаја хем са о животне.

О Ное вакерела сине е манушенѓе кај ка овел Потоп, ама ола на шунѓе ле. Несаве асандиле е Ноеске, а јавера мрзинена ле сине.

Кеда керѓа и арка, о Ное чхивѓа е животнен андре.