Џа ко тексто

Џа ки содрежина

 55 ЛЕКЦИЈА

Јекх ангели заштитинѓа е Езекија

Јекх ангели заштитинѓа е Езекија

О Асирција освојнѓе о царство таро Израел, кова со сине ле деш племија. Акана о Сенахирим, о цари тари Асирија, мангља те освојнел о царство тари Јуда, кова сине ле дуј племија. Ов почминѓа те освојнел о дизја ки Јуда јекх пало јекх. Таро са о дизја, ов највише мангља те освојнел о Ерусалим. О Сенахирим на џанља кај о Јехова ка заштитинел о Ерусалим.

О Езекија, о цари тари Јуда, денѓа бут паре е Сенахиримеске те на нападинел о Ерусалим. Ама, о Сенахирим иако леља о паре, ов палем бичхалѓа пе војска те нападинел. О мануша со живинена сине ко Ерусалим, бут дарана сине соске о Асирција авена сине са попаше хем попаше. О Езекија вакерѓа ленге: „Ма даран! О Асирција тане силна, ама о Јехова ка керел амен те ова посилна лендар“.

О Сенахирим бичхалѓа е рапшако, о слуга со пренесинела сине лескере пораке, ко Ерусалим те шај те даравел е манушен. О рапшак терѓола сине аври тари диз хем викинела сине: „О Јехова нашти те поможинел тумен. Ма мукхен о Езекија те ховавел тумен. Нане девел со ка шај те заштитинел тумен амендар“.

О Езекија пучља е Јехова со те керел. О Јехова одговоринѓа леске: „Ма дара таро адава со вакерела о рапшак. О Сенахирим нане те освојнел о Ерусалим“. Пало адава, о Езекија добинѓа писмија таро Сенахирим. Ки ленде пишинела сине: „Откажин тут. О Јехова нашти те спасинел тут“. Тегани, о Езекија молинѓа пе: „Јехова, молинава тут, спасин амен, те шај сарине те џанен кај само ту сиан о чачутно Девел“. О Јехова одговоринѓа леске: „О цари тари Асирија нане те кхувел ко Ерусалим. Ме ка заштитинав мли диз“.

О Сенахирим сине сигурно кај ка освојнел о Ерусалим. Ама, јекх рат, о Јехова бичхалѓа јекхе ангеле ко шаторија коте со совена сине о војникија.  Акава ангели мударѓа 185.000 војникија! О цари, о Сенахирим, ачхило бизо пле најшукар војникија, адалеске мора сине те иранел пе кхере. Сар со ветинѓа, о Јехова заштитинѓа е Езекија хем о Ерусалим. Те живине сине ко Ерусалим ко адава време, ка овел тут ли сине доверба ко Јехова?

„О ангели е Јеховаскоро заштитинела околен со дарана таро Девел, хем спасинела лен“ (Псалм 34:7)