Џа ко тексто

Џа ки содрежина

Увод башо 6 дело

Увод башо 6 дело

Кеда о Израелција кхувѓе ки Ветими пхув, о свето шатори сине главно тхан коте со обожавинена сине е Јехова. О свештеникија сикавена сине е народо башо е Девлескоро закони, а о судие водинена ле сине. Ко акава дело ка дикха сар некаскере постапке хем одлуке шај те влијајнен упро јавера. Секова Израелцо ваљани сине те ачховел верно е Јеховаске хем е јавере Израелцонге. Истакнин саво влијание сине лен упро мануша и Девора, и Ноемина, о Исус Навин, и Ана, е Јефтајескири чхај хем о Самоил. Вакер кај чак несаве со на сине Израелција, сар сој и Раав, и Рут, и Јаила хем о Гаваонција  поможинѓе е Израелцонге адалеске со џанена сине кај о Јехова тано ленцар.

КО АКАВА ДЕЛО

29 ЛЕКЦИЈА

О Јехова биринѓа е Исус Навине

О Девел заповединѓа е Исус Навинеске со шај сине те поможинел аменге да.

30 ЛЕКЦИЈА

И Раав гаравела е шпионен

О ѕидија околу о Ерихон рушинѓе пе! Ама о кхер е Раавакоро, кова со сине градимо ко адала ѕидија, на рушинѓа пе.

31 ЛЕКЦИЈА

О Исус Навин хем о Гаваонција

О Исус Навин молинѓа пе е Девлеске те керел о кхам те ачхол ко јекх тхан. Со керѓа о Девел?

32 ЛЕКЦИЈА

Јекх нево водачи хем дуј храбра џувља

Откеда муло о Исус Навин, о Израелција почминѓе те служинен е идоленге. О живото ленгоро уло бут пхаро, ама о Девел поможинѓа лен преку о судија о Варак, и пророчица и Девора хем и Јаила.

33 ЛЕКЦИЈА

И Рут хем и Ноемина

Дуј ромња каскере рома муле иранѓе пе ко Израел. Јекх лендар и Рут, гели те керел бути ки нива коте со дикхља ла о Вооз.

34 ЛЕКЦИЈА

О Гедеон побединѓа е Мадијамцон

О Мадијамција керена сине пхаро о живото е Израелцонге, адалеске ола молинѓе е Јехова те поможинел ленге. Сар шај сине е Гедеонескири тикни војска те побединел 135.000 војникон?

35 ЛЕКЦИЈА

И Ана молинѓа пе те овел ла чхаво

О Елкана ингарѓа е Ана, е Фенина хем е чхавен ко шатори башо обожавање ко Сило те шај те ден жртва е Девлеске. Адари и Ана молинѓа пе те овел ла чхаво. Пало јекх берш, бијандило лаке о Самоил.

36 ЛЕКЦИЈА

О ветување со денѓа о Јефтај

Со ветинѓа о Јефтај, хем соске? Со керѓа е Јефтајескири чхај кеда шунѓа башо ветување со денѓа ле лакоро дад?

37 ЛЕКЦИЈА

О Јехова керѓа лафи е Самоилеа

О чхаве е првосвештеникоскере е Илијаскере сине свештеникија ко шатори, ама на шунена сине е Јеховаскере законија. О терно Самоил на сине сар ленде. Јекх рат о Јехова керѓа лафи е Самоилеа.

38 ЛЕКЦИЈА

О Јехова денѓа сила е Самсоне

О Девел денѓа е Самсоне бари сила. Кеда и Делила чхинѓа лескере баре бала, о Филистејција астарѓе ле хем пханле ле. Ко крајо, о Самсон рушинѓа о Дагонескоро храми.