„Ка чхивав душманлуко машкар туте хем машкар и џувли, машкар лакоро потомство хем тло потомство. Ов ка смачконел тло шеро, а ту ка кицине ле ки пета.“

1. Мојсеева 3:15

„Преку тло потомство са о народија ки пхув ка добинен благослов адалеске со шунѓан мло гласо.“

1. Мојсеева 22:18

„Те авел тло Царство. Те овел тли волја, сар ко небо аѓаар ки пхув да.“

Матеј 6:10

„О Девел со дела мир, ка чхивел е Сатана тело тумаре пре хем ка смачконел ле.“

Римјања 16:20

„Кеда о Девел ка чхивел са тело лескере пре, тегани о Чхаво да ка подложинел пе е Девлеске, кова со чхивѓа са тело лескере пре, те шај о Девел те овел сариненге са.“

1. Коринќања 15:28

„А о ветувања сине денде е Авраамеске хем лескере потомствоске... а адава тано о Христос. Ако сиен е Христосескере, тегани тумен сиен е Авраамескоро потомство.“

Галатјања 3:16, 29

„И царско власт упро свето акана припадинела амаре Господареске хем лескере Христосеске, хем ов ка владинел сар цари засекогаш.“

Откровение 11:15

„Сине фрдимо о баро змеј, о најпурано сап, кова со викинела пе Бенг хем Сатана, кова со ховавела цело свето. Сине фрдимо ки пхув, а заедно леа сине фрдиме лескере ангелија да.“

Откровение 12:9

„Ов астарѓа е змее, е најпуране сапе, кова тано о Бенг хем о Сатана, хем пханља ле 1.000 берша.“

Откровение 20:2