So pal ada phenel e Biblija

 Ha, bo e Biblija phenel: „Rozmišľinen jekh pal aver, so predživen, kaj te presikavas buter kamiben a kaj te avas lačhe jekh ke avreste. A na mukhas avri amare zhromažďeňa.“ (Hebrejenge 10:24, 25) Olestar dikhas, hoj o Del kamel kaj o manuša les te ašaren jekhetane.

 O Ježiš phenďa: „Pal ada savore sprindžarena, hoj san mire učeňika, hoj tumen maškar tumende rado dikhena.“ (Jan 13:35) Kale lavendar dikhas, hoj o Ježiš kamelas kaj o učeňika te en peha, bo ča akor šaj sikavenas hoj pes rado dikhen. A on avka the kerenas. Zdžanas pes andro zbori. (1. Korinťanenge 16:19) On pal calo svetos kerde, kaj savore so služinen le Devleske te en sar phrala the pheňa. (1. Peter 2:17)

Na stačinel ča varekhaj te phirel kaj pes ašarel le Devles

 E Biblija sikavel, hoj kampel kaj pes te zdžas avrenca, kaj te ašaras le Devles, aľe oda nane savoro. Te kamas te el pre dzeka le Devleske, mušinas te dživel pal oda so sikhľuvas andre amari vjera. E Biblija phenel: „Akor amaro Del the Dad dikhela, hoj leske služinas žužes the bije chiba, te amen starinaha pal o siroti the vdovi, sar zadživen o pharipena a tiš te amen na chala ňič kale džungale svetoha.“ (Jakub 1:27)