So phenel e Biblija

 Mušinas pes te modľinel ko Del andre le Ježišoskero menos, bo ča akor o Del prilel amare modľitbi. O Ježiš phenďa: „Me som oda drom, o čačipen the o dživipen. Ňiko na avel ko Dad bijal mande.“ (Jan 14:6) Mek o Ježiš peskere vernone apoštolenge phenďa: „Te pal varesoste mangena le Dades andre miro menos, dela tumen oda.“ (Jan 16:23)

Mek soske pes kampel te modľinel andre le Ježišoskero menos

•   Presikavas e paťiv le Ježišoske the le Devleske Jehovaske, savo hino leskero Dad. (Filipanenge 2:9–11)

•   Jilestar paľikeras le Devleske vaš oda, hoj amen zachraňinďa prekal Ježišoskero meriben. (Matuš 20:28; Skutki 4:12)

•   Paťas, hoj o Ježiš vaš amenge mangel le Devles, kaj amenge te pomožinel. (Hebrejenge 7:25)

•   Udžanas, hoj o Ježiš hino amaro nekbareder rašaj, prekal savo šaj avas lačhe le Devleha. (Hebrejenge 4:14–16)