So phenel e Biblija

 Andre Devleskero kraľišagos imar na vladňinena o manuša. A kada kraľišagos vladňinela pal caľi phuv. (Daňjel 2:44; Zjaveňe 16:14) Tel kadi vlada pes kerela kada:

•   Imar na ena nalačhe manuša, save ča avrenge keren namištes. „O napačivale ena avricirdle le koreňenca.“ (Prislovja 2:22, Sveto Biblija)

•   Preačhena o maribena (vojni). O Del „zaačhavel o maribena pal caľi phuv“. (Žalm 46:9 [46:10, Sveto Biblija])

•   Pre phuv pes lačhes dživela a ňisostar na daraha. „Sako peske bešela tel peskro viňičis the tel peskro figovňikos a ňiko les imar na daravela avri“. (Michejaš 4:4, Sveto Biblija)

•   Pre caľi phuv ela rajos. „Radisaľuv, pustaťino the šuki phuvije thov baripen, pušťo a rozkvitňin sar e ruža!“ (Izajaš 35:1, Sveto Biblija)

•   Sakones ela ajsi buťi, savatar radisaľola. O „manuša igen radisaľona olestar, so kerena peskre vastenca. Na kerena hijaba buči“. (Izajaš 65:21–23, Sveto Biblija)

•   Imar na ena nasvaľibena. „Ňiko olendar, ko bešen andre amari phuv, na phenela: ‚Som nasvalo.‘“ (Izajaš 33:24, Sveto Biblija)

•   O manuša imar na phurona. „Akor ela leskro ťelos švižeder sar andro terňipen; ela pale terno the zoralo.“ (Job 33:25, Sveto Biblija)

•   Ola, so mule, ena uštade andal o meriben. „Savore, so hine andro hrobi, šunena [le Ježišoskero] hlasos a ušťena.“ (Jan 5:28, 29)