„Čhiv tire pharipena pro Jehovas a ov ela paš tute. Ňigda na domukhela, kaj o spravodlivo te perel.“

(Žalm 55:22)

„Te vareko tumendar kamela te kerel veža, či peske peršo na bešela a na zgenela, či les hin dos love pre kada, kaj la te dokerel?“

(Lukaš 14:28)

„Ma dara, sem som tuha. Tiro jilo te na izdral daratar, sem som tiro Del. Dava tut zor a pomožinava tuke. Zorales tut ľikerava mire pravone vasteha, savo kerel oda, so hino lačho.“

(Izajaš 41:10)

„Ko tumendar dživela buter kaleha, hoj peske kerela pharo šero?“

(Matuš 6:27)

„Ňigda ma daran olestar, so ela tajsa, bo dojekh ďives anel peskere pharipena. Mišľinen ča pre oda pharipen, so zadživen koda ďives.“

(Matuš 6:34)

„Modľinav man, kaj te rozprindžaren oda, so hino čačes dvoležito.“

(Filipanenge 1:10)

„Pal ňisoste tumenge na keren igen pharo šero. Paš savoreste, so zadživen, mangen le Devles, kaj tumen te ľidžal a furt leske paľikeren. A o Del tumen dela andro jilo ajso smirom, savo peske o manuš aňi na džanel te predstavinel. A prekal o Kristus Ježiš stražinela tumaro jilo the tumari goďi.“

(Filipanenge 4:6, 7)