„Džala o narodos proťi o narodos a o kraľišagos proťi o kraľišagos ... Kaleha savoreha chudena o bare pharipena.“

(Matuš 24:7, 8)

„Avena but falošna proroka, save oklaminena butdženen. A vaš oda, hoj barola o nalačhipen, but manuša narado dikhena jekh avres.“

(Matuš 24:11, 12)

„Sar šunena, hoj pro but thana hine o maribena, ma daran olestar. Kada pes mušinela te kerel. Aľe oda mek na ela o koňec.“

(Marek 13:7)

„E phuv igen razisaľola. Pro but thana ela bokh the ajse nasvaľibena, so pes sig prechuden. O manuša dikhena vareso ajso, sostar igen darana. A dikhena bare znameňa, save džana andal o ňebos.“

(Lukaš 21:11)

„Andro posledna ďivesa pes čačes dživela igen phares. Bo o manuša rado dikhena pes korkoren. Rado dikhena o love, ašarena pes, ena barikane, džana proťi o Del. Na šunena le dades la da, ňič peske na važinena, na ena verna. Narado dikhena peskera fameľija. Na dela pes lenca ňisar te dothovel, ohovarinkerena, na džanena pes te zľikerel, ena nalačhe bijo jilo, na kamena o lačhipen. Zraďinkerena jekh avres. Na dena peske te phenel, thovena pes upre. Na kamena le Devles, aľe kamena te kerel ča oda, pre soste len cirdel lengero jilo. Kerena pestar, hoj igen paťan le Devles, aľe na dživena avka sar ov kamel.“

(2. Timotejoske 3:1–5)