„Devla miro, tu šunes avri o modľitbi, ke tute avena savore le manušendar.“

(Žalm 65:2)

„Paťa le Jehovaske calone tire jileha a ma zmukh tut pre tiri goďi. Leper tuke pre leste paš savoreste, so keres a ov kerela, kaj pes tuke andro dživipen mištes te darinel.“

(Prislovja 3:5, 6)

„Akor chudena o dživipen pro furt, te sprindžarkerena tut, jekhe čačikane Devles a oles, saves bičhaďal, le Ježiš Kristus.“

(Jan 17:3)

„Hin oda vaš oda, kaj o manuša te kamen te sprindžarel le Devles. A kaj kada tiš te dochuden, bo nane phares les te sprindžarel.“

(Skutki 17:27)

„Modľinav man vaš kada, kaj tumen mek buter rado te dikhen. A kaj mek buter te sprindžaren oda, so o Del kamel a kaj lačhes te achaľon oleske, so kampel te kerel.“

(Filipanenge 1:9)

„Te varekaske kampel, kaj te el goďaveder, mi mangel le Devles pal e goďi. Ov leske la dela, bo ov hino ke sakoneste šťiro a ňikaske oda na čhivkerel pro jakha.“

(Jakub 1:5)

„Keren vareso, kaj te aven pašeder paš o Del a ov ela pašeder paš tumende. Žužaren tumenge o vasta, tumen binošna a žužaren tumenge o jile, tumen, so mek furt na džanen, so kamen.“

(Jakub 4:8)

„Bo akor dičhola, hoj rado dikhas le Devles, te doľikeras leskere prikazaňa. A leskere prikazaňa nane phare.“

(1. Jan 5:3)