„Le spravodlivone manušenge ela diňi e phuv a dživena pre late pro furt.“

(Žalm 37:29)

„E phuv ačhela pro furt.“

(Kazaťeľ 1:4)

„O Nekbareder Raj o Jehovas pro furt odčhivela o meriben a dojekhe manušeske khosela o apsa pal leskero muj.“

(Izajaš 25:8)

„Andre oda časos o kore pale dikhena a o kašuke pale šunena. Andre oda časos ola, so hine bange pro pindre, pale chuťkerena sar o jeleňis a ola, so hine ňema, vriskinena radišagostar. Andre bari pušťa až demela avri o paňi a pre pušťa čuľona o jarki.“

(Izajaš 35:5, 6)

„Khosela lenge dojekh apsa pal lengere jakha a o meriben imar na ela. Na ela imar aňi e žaľa, aňi o roviben, aňi e dukh. Bo savore pharipena, so zadživahas, imar nane.“

(Zjaveňe 21:4)

„Budinena o khera a bešena andre lende, sadzinena pre viňica a chana odarig o hroznos. Na budinena, kaj andre te bešel vareko aver, na sadzinena, kaj vareko aver te chal. Sem mire manuša dživena ajci but sar o stromi a ola, saven mange kidňom avri, radisaľona pro furt la buťatar, savi kerena.“

(Izajaš 65:21, 22)