So šaj arakhen andre Biblija

MUKH

Andre Biblija hine o lava le Devlestar, save adaďives le manušenge igen kampel. Oda so hin andre pisimen, sikavel sar amen šaj el lačho dživipen a so šaj keras, kaj pre amende o Del te dikhel mištes. E Biblija tiš odphenel pre kala otazki:

1. Ko hino o Del?
2. Sar šaj sprindžaren le Devles?
3. Kastar hiňi e Biblija?
4. Pasinel e Biblija oleha, so pal amari phuv phenen o goďaver manuša (vedci)?
5. So hin koda nekdvoležiteder, so amenge e Biblija kamel te phenel?
6. So e Biblija imar anglal phenďa pal o Mesijašis?
7. So e Biblija imar anglal phenďa pal amare ďivesa?
8. Hino o Del vinovato vaš oda, hoj o manuša cerpinen?
9. Soske o manuša cerpinen?
10. Savo šukar dživipen amen užarel?
11. So pes ačhel le manušeha, sar merel?
12. Savi naďej hin olen, so mule?
13. So phenel e Biblija pal e buťi?
14. Sar te kerel le lovenca?
15. Sar šaj aves bachtalo?
16. So šaj keras, te daras a hin amenge phares pro jilo?
17. Sar e Biblija šaj pomožinel tira fameľijake?
18. So šaj keres, kaj te aves pašeder paš o Del?
19. Pal soste hine o kňižki andal e Biblija?
20. Kana tut ela mek bareder chasna olestar, sar genes e Biblija?

SAR TE RODEL O VERŠI ANDRE BIBLIJA

Andre Biblija hin 66 kňižki. Hiňi rozďeľimen pro duj kotora: Hebrejsko-aramejska pisma (Purano zakonos) the Grecka pisma (Nevo zakonos). Dojekh kňižka andre Biblija hiňi rozďeľimen pro kapitoli the verši. Te hin pisimen varesavo biblicko veršos, ta peršo hin pisimen sar pes vičinel e kňižka andal e Biblija, paľis pisinas o čislos la kapitolake. A o čislos pal e dvojbodka amenge sikavel, savo oda hino veršos abo verši, save majinas te genel. Napriklad Jan 17:3. Jan hin e kňižka, 17 znameňinel e kapitola a e 3 hin o veršos, savo genas.

Autorska prava pre kadi kňižka

Le Jehovaskere svedki