Pal o berš 4026 anglo Kristus

„O sap“ phenel pro Jehovas, hoj nane lačho vladcas a vaš oda na majinel aňi te vladňinel. O Jehovas del lav, hoj avela vareko, ko zňičinela le Satan, čiže le sapes. (1. Mojžišovo 3:1–5, 15, poznamka tel e čjara) Aľe domukhel le manušenge, kaj peske varesavo časos te vladňinen korkore a kaj o sap te el upral lende.

berš 1943 anglo Kristus

O Jehovas phenel le Abrahamoske, hoj koda, savo avela, ela andal leskeri fajta. (1. Mojžišovo 22:18)

Pal o berš 1070 anglo Kristus

O Jehovas del lav le kraľiske Davidoske a pal leste leskere čhaske le Šalamunoske, hoj koda, savo avela, ela andal lengeri fajta. (2. Samuelovo 7:12, 16; 1. Kraľa 9:3–5; Izajaš 9:6, 7)

berš 29 pal o Kristus

O Jehovas sikavel, hoj koda, savo majinďa te avel a te vladňinel pre le Davidoskero tronos, hino o Ježiš. (Galaťanenge 3:16; Lukaš 1:31–33; 3:21, 22)

berš 33 pal o Kristus

O sap, čiže o Satan pro cikno časos lel e zor olestar, savo majinďa te avel kaleha, hoj kerel, kaj le Ježiš te murdaren. Aľe o Jehovas uštavel le Ježiš andal o meriben, kaj te dživel andro ňebos. Odoj prilel leskero dokonalo dživipen, savo diňa sar obeť. Vaš oda, hoj ada kerďa, ta le manušenge šaj en odmukhle o bini a šaj chuden o dživipen pro furt, savo o Adam našaďa. (1. Mojžišovo 3:15; Skutki 2:32–36; 1. Korinťanenge 15:21, 22)

berš 1914 abo čeporo pal oda

O Ježiš čhivel avri le sapes, čiže le Satan andal o ňebos. Ov či kamel či na, mušinel varesavo časos te ačhel ča pašes paš e phuv. (Zjaveňe 12:7–9, 12)

So pes ačhela

O Ježiš phandela le Satan pro 1000 berš a paľis les zňičinela, oda hin sar te bi leske rozmarďahas o šero. Paľis pes ačhela oda, so o Jehovas imar čirla kamelas te kerel la phuvaha the predal o manuša. Imar ňiko na meľarela leskero menos, bo ela žužardo a sikavela pes, hoj ov džanel nekfeder te vladňinel. (Zjaveňe 20:1–3, 10; 21:3, 4)