Alé voir le kontenu

Koman la vi i sra plu tar ?

Koman la vi i sra plu tar ?

Pou ou, bann zafèr otour de nou...

  • sra plu mové.

  • va rès parèy.

  • sra plu gayar.

 LÉ ÉKRI DAN LA BIB

« Bondieu... va tir tout bann larm dan zot zieu, é nora pu la mor ; ni okin deuiy, ni okin plint, ni okin douleur. Bann zafèr té égzis avan la finn disparèt » (Révélasion 21:3, 4, Traduction du monde nouveau).

KOSA LA BIB VA APORT A OU

in travay ou ièm é ke va kontant a ou (Izai 65:21-23),

ou sra pu malad é ou nora pu okin soufrans (Izai 25:8 ; 33:24),

ou va viv ereu pou toultan èk out fami é out bann kamarad (Psom 37:11, 29).

 ÈSKE OU PE FÉ KONFIANS SÈK LA BIB I PROMÈT ?

Oui, ala 2 rézon :

  • Bondieu lé kapab fé sèk li di. La Bib i amont a nou ke Bondieu Jéova lé « Toupuisan ». Li pe fé tout sèk li ve (Révélasion 15:3). Li lé kapab chanj tout zafèr su la tèr, kom li di. Kom lé ékri dan la Bib, « Bondieu lé kapab fé tout zafèr » (Matieu 19:26).

  • Bondieu i ve vréman fé sèk li promèt. In légzanp, Jéova i ve relèv bann domoun lé mor (Job 14:14, 15).

    La Bib i amont osi, ke Jézu le Garson Bondieu, la géri bann malad. Akoz li la fé sa ? Parske li voulé (Mark 1:40, 41). Jézu la fé parèy son Papa, li té ve èd bann domoun malereu (Jan 14:9).

    Lé sur, Jéova èk Jézu i ve ke nou nana in vi pluméyeur ! (Psom 72:12-14 ; 145:16 ; 2 Pièr 3:9).

 SÈK NOU PE KOZÉ ANKOR

Koman Bondieu i sar fé pou donn a nou in vi pluméyeur ?

La Bib i réponn se kèstion la dann MATIEU 6:9, 10 èk DANIÈL 2:44.