Alé voir le kontenu

Alé voir le sou-menu

Bann Témoin Jéova

Kréol Rénioné

Èske Bondieu néna in gouvèrnman ?

Èske Bondieu néna in gouvèrnman ?

Dapré ou sé...

  • oui.

  • non.

  • petèt.

 LÉ ÉKRI DAN LA BIB

« Bondieu dann sièl va mèt an plas in gouvèrnman ke va jamé disparèt » (Danièl 2:44, Traduction du monde nouveau).

« La donn a nou in Garson é rèsponsabilité le gouvèrnman sra su son zépol » (Izai 9:6).

KOSA LA BIB VA APORT A OU

  • in gouvèrnman just, èk gayar bénédiksion pou ou mèm (Izai 48:17, 18),

  • ou poura konèt in vi san maladi èk le boneur dan le monn nouvo ki vien (Révélasion 21:3, 4).

 ÈSKE OU PE FÉ KONFIANS SÈK LA BIB I PROMÈT ?

Oui, ala 2 rézon :

  • Jézu la montré kosa gouvèrnman Bondieu i sar fé. Jézu la aprann son bann disip prié pou ke gouvèrnman Bondieu i ariv, é ke son volonté lé fé su la tèr (Matieu 6:9, 10). Jézu la montré koman Bondieu i sa réponn se prièr la.

    Kan li lété su la tèr, Jézu la donn manjé sèk lavé fin. Li la géri in tralé malad, é li la résusit bann mor ! (Matieu 15:29-38 ; Jan 11:38-44). Li la montré kosa li sar fé pou domoun su la tèr, kan li sra le chèf gouvèrnman Bondieu (Révélasion 11:15).

  • Bann problèm su la tèr i mont ke gouvèrnman Bondieu i tard pa. Jézu la di ke noré in ta mové zafèr kom la gèr, la faminn, èk tranbleman dtèr avan ke gouvèrnman Bondieu i amèn la pé su la tèr (Matieu 24:3, 7).

    Nou voi tousa koméla. Lé sur, gouvèrnman Bondieu i tard pa pou anlèv tout bann soufrans.

 SÈK NOU PE KOZÉ ANKOR

Koman nou va viv kan gouvèrnman Bondieu va dirij a nou ?

La Bib i réponn se kèstion la dann PSOM 37:29 èk IZAI 65:21-23.