Alé voir le kontenu

Alé voir le sou-menu

Bann Témoin Jéova

Kréol Rénioné

Sé koi la Bib ?

Sé koi la Bib ?

Dapré ou sé...

  • in liv ékri par in moun.

  • in liv zistoir.

  • la Parol Bondieu.

 LÉ ÉKRI DAN LA BIB

« Tout Lékritur lé inspiré par Bondieu » (2 Timoté 3:16, Traduction du monde nouveau).

KOSA LA BIB VA APORT A OU

solusion pou out bann traka (Provèrb 2:1-5),

va èd a ou dann out vi (Psom 119:105),

in gayar lèspoir pou lavnir (Romin 15:4).

 ÈSKE OU PE FÉ KONFIANS SÈK LA BIB I PROMÈT ?

Oui, ala 3 rézon :

  • Tout lé vré. La pran 1600 zané pou ékri la Bib par 40 moun. Désèrtin la jamé kroiz a zot ant zot. Pourtan dan la Bib na poin kontradiksion depui premié débu juska la fin !

  • La poin rien lé kachièt. Kan domoun i ékri zistoir zot nasion, zot i rakont pa bann mové zafèr i ariv a zot. Par kont, sak la ékri la Bib i kachièt pa rien, mèm zot défo, sèk zot nasion osi (2 Kronik 36:15, 16 ; Psom 51:1-4).

  • Ou pe kont desu. La Bib la di 700 zané avan : le Mési va nèt dann inn ti vil i apèl Bètléèm dann péi Juda (Mika 5:2). Ou sa Jézu lé né ? Dann Bètléèm kom la vé di (Matieu 2:1-6).

    Néna ankor bokou dot profési ke la réalizé kom la Bib la di. Èske nou atann pa sa mèm avèk la Parol Bondieu ? (2 Pièr 1:21).

 SÈK NOU PE KOZÉ ANKOR

Koman la Bib i pe rann out vi pluméyeur ?

La Bib i réponn se kèstion la dann IZAI 48:17, 18 èk 2 TIMOTÉ 3:16, 17.