Alé voir le kontenu

Alé voir le sou-menu

Alé voir le somèr

Bann Témoin Jéova

Kréol Rénioné

Ékout Bondieu : Ou va viv pou toultan

 PARTI 5

Kisa la ékout Bondieu avan déluj la arivé ?

Kisa la ékout Bondieu avan déluj la arivé ?

Dann tan Noé, in tralé d’moun lété mové. Jenèz 6:5

Adan é Èv la fé zanfan. Lavé in bonpe domoun su la tèr. Lontan apré, désèrtin zanj dann sièl, la rejèt Bondieu é la suiv Satan.

Zot lé vnu su la tèr. Zot la transform a zot en zumin pou maryé èk bann madam. Zot zanfan lété gran, for é surtou kruèl.

La tèr té ranpli èk domoun té fé mové zafèr. La Bib i amont ke bann zabitan té ièm la méchansté. Zot té ve fé rienk le mal.

 Noé la ékout Bondieu. Li la konstrui in gran bato : in larch. Jenèz 6:13, 14, 18, 19, 22

Noé lété in bon moun. Jéova la di a li ke bann méchan i sra détrui dan in déluj : in paké d’lo ke va rekouv la tèr.

Bondieu la demann Noé konstrui in gran bato, té apèl larch. Li té doi fé rant son fami dedan é tout kalité zanimo.

Noé la anons domoun ke le déluj i sa arivé. Mé zot la pa ékouté. In bonpe té ri a li é dot té suport pa li.

Kan larch té fini konstrui, Noé la fé rant bann zanimo dedan.