Alé voir le kontenu

Alé voir le sou-menu

Alé voir le somèr

Bann Témoin Jéova

Kréol Rénioné

Bonn nouvèl Bondieu i donn !

 LESON 8

Pou kosa Bondieu i pèrmèt le mal èk bann soufrans ?

Pou kosa Bondieu i pèrmèt le mal èk bann soufrans ?

1. Koman le mal la komansé ?

Bondieu la lès bann zumin gouvèrn le tan ki fo, pou montré ke zot lé pa kapab trouv solusion pou bann problèm nana su la tèr.

Le mal la komansé su la tèr kan Satan la di le premié mansonj. O komansman, Satan lété in lanj parfé, mé « li la pa tenu bon dan la vérité » (Jan 8:44). Li lavé anvi gingn ladorasion ke Bondieu touseul i mérit. Li la ramas manteur avèk Èv, é li la pous a èl pou obéi a li, mé pa Bondieu. Adan la ékout Èv : li osi la dézobéi Bondieu. Son désizion la amèn bann soufrans é la mor. — Lir Jenèz 3:1-6, 19.

Kan li la pous Èv pou dézobéi, Satan la soulèv in rébélion kont le gran lotorité Bondieu, sétadir son pozision Tré O su tout zafèr. La plupar bann zumin la suiv a li, é zot la pa aksèp Bondieu kom zot Chèf. Sé komsa, ke Satan lé devnu « le chèf le monn ». — Lir Jan 14:30 ; 1 Jan 5:19.

2. Èske sak Bondieu la kré lavé in défo ?

Tout sak Bondieu la fé, lé san défo. Bann zumin é bann zanj ke Bondieu la kré, lété kapab obéi a li in fason parfé (Detéronom 32:4, 5). Li la donn a nou la kapasité pou choizi ant fé le bien ou le mal. Parsa, nou nana la libèrté mont nout lamour pou Bondieu. — Lir Jak 1:13-15 ; 1 Jan 5:3.

3. Pou kosa Bondieu la pèrmèt bann soufrans juska nout lépok ?

Jéova la pèrmèt le rébélion kont son gran lotorité pou in pe d’tan. Akoz li la fé sa ? Pou montré ke la poin pèrsonn lé kapab bien gouvèrné san son lèd (Éklézias 7:29 ; 8:9). 6000 an la finn pasé, é nana la preuv ke bann dirijan zumin la pa été  kapab fé disparèt la gèr, le krim, linjustis é la maladi. — Lir Jérémi 10:23 ; Romin 9:17.

La dominasion Bondieu lé pa kom sak bann zumin. Sak i aksèp la dominasion Bondieu i gingn bann bienfé (Izai 48:17, 18). I tard pa, Jéova va détrui tout bann gouvèrnman zumin. Rienk domoun ke la choizi obéi gouvèrnman Bondieu, va viv su la tèr (Izai 11:9). — Lir Danièl 2:44.

4. Kosa la pasians Bondieu i donn a nou lokazion d’fèr ?

Satan la lès antann ke domoun va sèrv Jéova parske zot nana pou ganié. Èske ou èmré fé konèt ke sa lé pa vré ? Lé sur, ou pe fé sa ! Bondieu na la pasians. Sa i pèrmèt a nou d’montré si nou préfèr ke Bondieu i dirij a nou oubien bann zumin. Par nout fason d’viv, nou mont kisa nou la choizi. — Lir Job 1:8-12 ; Provèrb 27:11.

5. Kosa nou doi fé pou choizi Bondieu kom Chèf ?

Nout fason d’viv i mont si nou ve choizi Bondieu kom Chèf.

Nou choizi Bondieu kom Chèf, kan nou rod dann son Parol la Bib koman ador a li, é koman mèt an pratik sak nou aprann (Jan 4:23). Kom Jézu la fé, nou rejèt Satan é nou mèl pa nou dann la politik èk la gèr. — Lir Jan 17:14.

Satan i ansèrv son pouvoir pou ankouraj domoun pratik tout kalité mové zafèr, ke lé pa bon pou zot mèm. Kom nou rejèt tousa, lé posib ke nout bann kamarad é nout fami i ri a nou ou i pe èt plu mové èk nou (1 Pièr 4:3, 4). Nou doi fé in choi : èske nou va frékant domoun i èm Bondieu ? Èske nou va obéi son bann loi ke lé doné èk lamour é ke lé saj ? Si nou fé sa, nou va prouv ke Satan la ramas manteur kan li la lès antann ke dann malizé, pèrsonn va obéi Bondieu. — Lir 1 Korintien 6:9, 10 ; 15:33.

Lamour ke Bondieu nana pou bann zumin, i donn lasurans ke le mal é bann soufrans va disparèt. Sad i mont par zot manièr d’viv ke zot i kroi sa, va viv pou toultan su la tèr. — Lir Jan 3:16.