Alé voir le kontenu

Alé voir le sou-menu

Alé voir le somèr

Bann Témoin Jéova

Kréol Rénioné

Bonn nouvèl Bondieu i donn !

 LESON 14

Pou kosa Bondieu néna in lorganizasion ?

Pou kosa Bondieu néna in lorganizasion ?

1. Pou kosa dann tan lontan Bondieu la rasanm bann zisraélit ?

Bondieu la rasanm bann désandan Abraam pou form in nasion. Li la donn a zot bann loi. Li la apèl nasion la « Israèl ». Bondieu la donn a li kom résponsabilité pou protèj son parol é le vré ladorasion (Psom 147:19, 20). Si bann zisraélit lavé fé sa, zot noré pu èt in bénédiksion pou domoun tout nasion. — Lir Jenèz 22:18.

Bondieu la choizi bann zisraélit pou èt son bann témoin. Zot zistoir i mont ke si nou obéi bann loi Bondieu, nou va gingn bann bienfé (Detéronom 4:6). Gras zot fason d’fèr, dot nasion i pouré aprann a konèt kisa i lé le vré Bondieu. — Lir Izai 43:10, 12.

2. Pou kosa bann vré krétien lé organizé ?

Avèk le tan, Israèl la pèrd la faveur Bondieu. Jéova la ranplas nasion la par la kongrégasion bann krétien (Matieu 21:43 ; 23:37, 38). A nout lépok, sé bann vré krétien ki sèrv Jéova kom témoin, mé sé pu bann zisraélit. — Lir Akt 15:14, 17.

Jézu la organiz son bann disip pou anons la bonn nouvèl, pou fé zot osi dot disip dann tout nasion (Matieu 10:7, 11 ; 24:14 ; 28:19, 20). Aleurkilé, alor ke nou viv dann dèrnié jour, prédikasion la i march for su tout la tèr. Pou in premié foi dan Listoir, Jéova i uni domoun tout nasion par milion, pou ador a li dan le vré relijion (Révélasion 7:9, 10). Bann vré krétien lé organizé pou ankouraj a zot, é pou èd a zot ant zot. Su tout la tèr, zot i profit le mèm lansègnman biblik, kan zot néna zot rénion. — Lir Ébreu 10:24, 25.

 3. Koman lorganizasion modèrn bann Témoin Jéova la komansé ?

Dann bann zané 1870, inn ti group bann zétudian la Bib la retrouv bann vérité biblik oublié depui lontan. Zot la konpri ke Jézu lavé organizé la kongrégasion bann vré krétien pou préché. Alor, zot la désid fé in kanpagn intèrnasional pou prèch le Roiyom. Lané 1931, zot la désidé port le non Témoin Jéova. — Lir Akt 1:8 ; 2:1, 4 ; 5:42.

4. Koman bann Témoin Jéova lé organizé ?

Dann tan premié sièk, bann kongrégasion bann vré krétien dann in bonpe péi, lété dirijé par in kolèj santral ke té aksèp Jézu kom Chèf la kongrégasion (Akt 16:4, 5). Koméla lé parèy, bann Témoin Jéova lé dirijé par in Kolèj santral. Kolèj santral la, lé in group zansien ke néna léspèryans. Zot i dirij bann buro nasional, ki tradui, inprim é distribu bann publikasion pou létud biblik an 600 lang é plus. Parsa, zot i aport osi bann zankourajman biblik é in diréksion pou plus 100000 kongrégasion su la tèr. Dan bann kongrégasion la, nana bann zom kalifié, i apèl a zot zansien ou survéyan. La Bib i mont ke zot i ièm é zot i pran soin le « troupo » Bondieu. — Lir 1 Pièr 5:2, 3.

Bann Témoin Jéova lé organizé pou prèch bann bonn nouvèl ke nana dan la Bib é pou fé bann disip. Nou prèch kaz an kaz, kom bann zapot la fé (Akt 20:20). Nou propoz in létud la Bib tout domoun ki èm vréman la vérité. Mé nou lé pa seulman in lorganizasion. Nou lé in fami é nou néna in Papa ki èm a nou ; nou lé bann frèr é seur ki sousi a nou inn é lot (2 Tésalonisien 1:3). Bann zadorateur Jéova lé organizé pou fé la volonté Bondieu é pou èd lé zot. Sé pou sa, la poin in fami plu eureu ke zot su la tèr. — Lir Psom 33:12 ; Akt 20:35.