Alé voir le kontenu

Alé voir le somèr

 LESON 6

Kèl léspoir néna pou domoun ke lé mor ?

Kèl léspoir néna pou domoun ke lé mor ?

1. Kèl bonn nouvèl néna pou bann domoun ke lé mor ?

Kan Jézu lété su la tèr, li lavé in kamarad té apèl Lazar. Li té abit Bétani inn ti vil koté Jéruzalèm. La ariv in jour, son kamarad Lazar lé mor. Jézu la ariv la ba, kat jour plu tar. Li la parti su la tonm avèk Mari é Mart, deu seur Lazar. Vit fé, néna in paké d’moun la arivé. Ésèy pans in kou, la joi ke Mari èk Mart la resanti, kan Jézu la résusit zot frèr ? — Lir Jan 11:21-24, 38-44.

Mart té koné déja kèl bonn nouvèl la parol Bondieu té i di pou ban mor. Èl té koné ke Jéova té sar résusit banna, pou reviv su la tèr. — Lir Job 14:14, 15.

2. Kosa i éspas kan in moun i mor ?

Bondieu la di èk Adan : « Ou lé fé èk la pousièr é ou va artourn an pousièr » (JENÈZ 3:19).

Bondieu la kré lom èk la pousièr (Jenèz 2:7 ; 3:19). Nou la poin in léspri ke i viv dan nout kor. Nou lé fé avèk la chèr é le san. I ve dir kan nou mor, la poin rien i kontinu d’viv. Kan nou mor, nout sèrvo i mor osi, nou pans pu é nou resan pu rien. Kom bann mor i gingn pu fé rien, lé normal ke Lazar la pa di kosa la éspasé kan li lété mor. — Lir Éklézias 9:5, 6, 10.

Èske Bondieu i tourmant bann zumin dann in lanfèr d’fe apré zot mor ? Kom la Bib i amont ke bann mor i gingn pu fé rien, le kroiyans su lanfèr d’fe, lé in nafèr manteur. Sa, i sali la réputasion Bondieu. Rienk lidé ke bann domoun lé tourmanté dann in lanfèr d’fe, i dégout a li. — Lir Jérémi 7:31.

 3. Èske bann mor i gingn koz èk nou ?

Bann mor i parl pa, é i antan pa non plu (Psom 115:17). Par kont, i ariv ke bann zanj méchan i fé pas a zot pou bann domoun mor, pou koz èk ban zumin (2 Pièr 2:4). Nou konpran pou kosa Jéova i défann a nou ésèy rant an kontak èk bann mor. — Lir Detéronom 18:10, 11.

4. Kisa i sra résusité ?

Bann mor par milion va reviv un jour su la tèr. Mèm si désèrtin la pa aprann kisa i lé Jéova, é ke zot té fé bann mové zafèr, zot i sra résusité osi. — Lir Luk 23:43 ; Akt 24:15.

Bann domoun résusité nora lokazion aprann la vérité su Bondieu, é mont zot foi an Jézu par zot lobéisans (Révélasion 20:11-13). Tout sak va fé le bien i sra rékonpansé pou viv pou toultan su la tèr. — Lir Jan 5:28, 29.

5. Kosa la rézuréksion i aprann a nou su Jéova ?

Si nou néna léspérans la rézuréksion, sé parske Bondieu la anvoiy son garson donn son vi pou nou. La rézuréksion i aprann a nou in bonpe zafèr su lamour ke Bondieu néna pou nou é su son gran bonté ke nou mérit pa. Kèl pèrsonn ou sré kontan voir kan nora la rézuréksion ? — Lir Jan 3:16 ; Romin 6:23.